Əsərlərinin səhnələşdirmə sayına görə dünyada Çexov yalnız Şekspirə uduzur. O, bir çox cəhətdən pyesin yazılma qanınlarını dəyişmişdir. Çexov əsərlərin tutumunun əsas hissəsini hər gün qarşılaşdığımız xırda vərdişlərə həsr edirdi. Bu səbəbdən də onun əsərlərində əsərlərin kulminasiyası daha parlaq olur, səsrin leytmotivi daha aydın yaddaşlarımıza həkk olunurdu. Hətta sonradan bir daha bu əsərə qayıtmasaq belə, onun səhnələri yaddaşımızda fotoşəkil kimi qalırdı.

Musiqi və kitablar Çexovda hələ gənclik illərindən yaradıcılıq həvəsi oyadırdı. Elə bu dövrlərdə o, ilk dəfə qələmini sınamağa başlayır. O, gimnaziyada yumoristik jurnal dərc edir, hekayələr yazır, səhnələşdirmək üçün kiçik pyeslər yazırdı. Lakin əsas hekayələri Çexov artıq institutu bitirib həkim olandan sonra dərc elətdirir.

"6 nömrəli palat", "Qılaflı adam" hekayələri, "Qağayı", "Vanya dayı", "Üç bacı" pyesləri klassikaya çevrilmiş və insanlara unudulmaz təəssüratlar bəxş etməkdə davam edir.