Amfipol məzarında aşkar edilmiş qalıqların Makedoniyalı İskəndər və ya onun anası Olimpiyaya aid olduqları hələ məlum deyil.

Lakin, məlumdur ki, aşkarlanmış məzar e.ə. 325-300-cü illərə aiddir. Məzarda bir neçə cəsəd - 60-a yaxın yaşı olan qadın, iki kişi və bir uşaq tapılmışdır. Kişilərin yaşı 35-45 arasındadır.

Uzun illər arxeoloqlar dahi sərkərdənin qalıqlarının yerini axtarmışlar. Onun ölüm tarixi e.ə. 323-cü ildir. Ölümün dəqiq səbəbi isə müəyyən edilməmişdir. Tarixi yazılardan bəlli olur ki, Hindistan səfərindən qayıtdıqdan sonra, Makedoniyalı İskəndər qəflətən vəfat etmişdir. Bəziləri hesab edir ki, Hindistanda olarkən sərkərsə hansısa naməlum qızdırma xəstəliyinə tutulmuşdur. Lakin bu versiyanı təkzib edən fakt - İskəndərdən başqa yürüşdə olan heç kimin bu xəstəliyə tutulmaması və ölməməsidir.

Sərkərdənin qalıqları haqqında son məlumatlar eramızın 210-cu ilinə aiddir. Həmin ildə imperator Karakalla İskəndərin məzarına öz tunika və üzüyünü qoymuşdur. Əgər tapılan qalıqların həqiqətən də dahi Makedoniyalı İskəndərə aid olduğu sübur olnsa, arxeoloqlara yalnız bir sərkərdənin - Çingizxanın məzarını tapmaq qalacaq. Amma bunu etmək məsləhət görülmür. Çünki Çingizaxnın vəsiyyətnaməsində deyilir ki, onun məzarı açılan gün bütün dünyanı fəth edəcək insan dünyaya gələckdir.