Azərbaycanın Nəqliyyar Nazirliyində bildiriblər ki, Bakıdakı bütün sürücülərin kadr bazası və onlar haqqında elektron-informasiya sistemi yaradılır. Dövlət Avtomobil Nəqliyyatı Xidmətinin Bakı Sərnişin və Yük Daşımalarının Təşkili İdarəsinin rəis müavini Əmrah Cəfərov bildirib ki, bütün professional tələblərə cavab verən sürücülərə rast gəlmək çox çətindir. Məhz bu məqsədlə sürücülər üçün xüsusi kurslar açılmışdır.

Bundan belə nəticəyə gəlmək olar ki, avtobus parklarının sahibləri sükan arxasında oturan sürücülərin kimliyindən xəbərləri belə yoxdur. Həmçinin, o deməkdir ki, D kateqoriyalı sürücülük vəsiqəsinə sahib olan hər bir insanı ictimai nəqliyyatı idarə etməyə buraxırdılar. Sonra da biz heyrətlənirik ki, yollarımızdakı problemlər hardan meydana gəlir?

via trend.az