Azərbaycan Respublikasının prezidenti İlham Əliyevin 16 dekabr 2005-ci il qərarıyla ölkədə Fövqəladə Hallar nazirliyi yaradılmışdı. 2006-cil dekabrın 9-da isə prezident İlham Əliyevin sərəncamı ilə AR FHN İşçilərinin Günü kimi qeyd edilməyə başlamışdır. 

Azərbaycan FHN ilk növbədə, ölkənin yerləşdiyi qeyri-adı geoloji şəraitlə əlaqədar olan problemlərin həlli ilə məşğul olur. Çoxsaylı zəlzələlərə, palçıq vulkanlarının püskürməsinə səbəb olan yeraltı platoların seysmik aktivliyi, insanların həyatə, yaşayışı və mülkiyyəti üçün daimi təhlükə yaradan torpaq sürüşmələri.

İkincisi, Xəzər dənizinin səviyyəsinin qalxması və Kür çayının daşması kənd təsərrüfatı və başqa sahələrə böyük ziyan vurur. Bundan başqa, Böyük Qafqaz dağlarındakı qar uçqunları, meşə yanğınları və başqa təbii fəlakətlər Azərbaycan FHN üçün geniş fəaliyyət sahəsi yaradır.

Üstəlik, Azərbaycan ərazisindən neft və qaz kəmərləri keçir, Bakı və Abşeron yarımadasından başqa ölkənin regionlarında kimyəvi, neft emalı zavodları fəaliyyət göstərir. Bu da baş verə biləcək fövqəladə halların və texnogen qəzaların qarşısının alınmasına ehtiyac yaradır.