Azərbaycanın prezidenti İlham Əliyevin 2 dekabr 2006-cı il sərəncamı ilə, Azərbaycan Respublikasında rabitənin yaranmasının 125 illiyi münasibətilə, hər ilin 6 dekabr tarixində qeyd olunan peşə bayramı - Azərbaycan Respulikas Rabitə və İnformasiya Texnologiyaları Nazirliyi işçilərinin Günü təyin edilmişdir.

1881-ci ilin əvvəlində Bakıda ilk telefon xəttinin salınmasına başlanmışdır. Azərbaycanda ilk telefon xətti olan bu xətt həmin il dekabrın 6-da (köhnə təqvimlə 23 noyabr) istifadəyə verilmişdir. Onun uzunluğu 6 kilometr olmuşdur. 5 ildən sonra isə ilk mərkəzləşmiş kommunikasiya şəbəkəsinin tikintisinə başlanmışdır.