Dünən Rusiyanın Azərbaycandakı səfirliyində azərbaycanlı müəlliflərin mükafatlandırma mərasimi keçirilib. Haqqında danışılan mükafat artıq üçüncü dəfədir ki, təqdim olunur. 2013-cü ildə bu mükafata "Əbədi Azərbaycan" jurnalının əməkdaşları Yuliya Subbotina və Laçın Səmədzadə layıq görülmüşlər. 2014-cü ildə isə Natəvan Səmədzadə və Azər Əfəndiyev mükafatlandırılmışdılar.
Bu dəfə "Azərbaycanda rus dilinin inkişafı və dəstəyinə yaradıcı töhfəsinə görə" mükafata layiq görülüblər: "Ədəbi Azərbaycan" jurnalının başredaktoru Solmaz İbrahimova və şair, jurnalın poeziya şöbəsinin rəhbəri Alina Talıbova.
Rusiyanın Azərbaycandakı səfiri Vladimir Doroxin laureatları təbrik edərək, onlara yaradıcılıq uğurları, Azərbaycan və Rusiya arasında mədəni əlaqələrin möhkəmlənməsini arzulayıb.
via trend.az
