URBAN.AZ
URBAN.AZ

Telegram Banner

SİAR Media şirkəti 2014-cü ildə artıq 2011-ci ildən mövcud olan layihənin növbəti mərhələsini keçirdi.  Layihə Azərbaycanın 7 şəhərini (Bakı, Sumqayıt, Gəncə, Mingəçevir, Lənkəran, Şəki, Quba) əhatə edirdi. Layihə çərçivəsində SİAR şirkəti statik xarici reklamın bütün növlərinin bazasını yaradır (GPS məlumatlar daxil olmaqla), həmçinin, avtobus, yük avtomobilləri, dayanacaqlar, kinoteatrlar, mollar, mağazalar və s. obyektlərin reklamlarının auditini aparır.

Nəticələrə görə, 2014-cü ilin noyabr ayında statik xarici reklamın sayı 5600-ü keçmişdir. Statik reklamın sayına görə lider şəhər, gözlənildiyi kimi, Bakı oldu: bütün statik xarici reklamın 79%-i paytaxtın payına düşür.

Reklamın növünə gəldikdə isə, 37% avtobus dayanacaqlarının üzərindəki reklam, 33% - bilbordlar, 12% - skrollerlər, 5% - prizma və s. təşkil edir.

65% - qida məhsullarının reklamı, 5% - sosial reklam, 8% - boş səthlər, qalan 22% isə "başqa" kateqoriyasına (daha çox tarixi yerlərin fotoları) aid edilir. yeri gəlmişkən, ən çox boş səthlər - 19% - Sumqayıtda qeydə alınmışdır.

Reklam yerləşdirənlər arasında lider telekommunikasiya şirkətləri, banklar, avtomobil salonları və çay istehsalçıları hesab edilmişdir. Onların ilk dördlüyünə Azerfon LLC (Nar Mobile), Azercell Telecom, Bakcell LTD, Azersun Holding daxil olmuşdur.

Yerləşdirilmiş reklamın keyfiyyəti baxımından, layihə aşağıdakı nəticəni əldə etmişdir:

  • Çox hallarda xarici reklam dirəklərdə, ağac gğvdələrində və s. yerləşdirilir.
  • Xarici reklam cırılmış olur və əvəz edilmir (xüsusilə, regionlara aiddir)
  • Mediaplanların auditi görstərdi ki, "səhv yerləşdirmə"nin faizi 5-30% arasında dəyişir.

SIAR Media şirkəti SIAR Research and Consulting Group şirkətlər qrupuna daxil olur. Bu gün SİAR televiziya, radio, qəzetlər, jurnallar, xarici reklam, 140 ölkənin xəbər saytları, sosial şəbəkələr, mikrobloqlar, forumlar vəs. əhatə edir. Həyata keçirdiyi layihələrə isə reytinqlərin təyin edilməsi (xüsusilə televiziyada, piplmetrlik sistemin tətbiqi ilə), şəbəkələrdə məqalələrin, paylaşımların monitorinqi, reklam şirkətinin effektivliyinin analizi, promo-kompaniyaların monitorinqi, reklamın/konsepsiyanın sınaqdan keçirilməsi və s. aiddir.

TƏQLƏR SİAR reklam

Şərhlər