Qışın soyuğunda uzaq Baham adalarında dincəlməkdən gözəl nə ola bilər? Üstəlik, də milyon dollar qazanmaq. Elə dünən həmvətənimiz İlkin Qəribli Baham adalarında keçirilən "PokerStars Caribbean Adventure" turnirinin qalibi olub. Finalda o, amerikalı Co Kütserə qalib gələrək, 1.105 040 dollara sahib olub. Qalibin sözlərinə görə, bundan əvvəl o, yalnız kəş oyunlarda iştirak edib və bu onun ilk poker turniridir. Qeyd edək ki, adı çəkilən turnir 2004-cü ildən etibarən hər il keçirilir və poker üzrə ən prestijli turnirlərdən hesab olunur.