Azərbaycanlı olmaq yaxşıdır, çox gözəldir, fəxr edirəm ki, Azərbaycanlıyam, Azərbaycan Vətəndaşıyam…

Azərbaycanlı olmağın nə olduğunu həm də digər tərəfdən təhlil edək, həm tərifləyək, həm də tənqid edək… Tərəzidə çəki eyni olsa da, olmasa da, yazacağam, Azərbaycanlı olmaq nə deməkdir?! Bu yazımı yazmağa ideyanı mənə dostum Raş Neo vermişdir ki, ona burdan öz dərin minnətdarlığımı bildirirəm.

Ən pis halda:

1. Azərbaycanlı olmaq -günəbaxan tumunu çıtlayıb, qabığını yerə tüpürməkdir, atmaqdır, çeynədiyin saqqız çənəni yorduğu zaman istənilən yerə yapışdırmaqdır;
2. Qız görən oğlanın, oğlan görən qızın qarşısındakını gözləri ilə sanki rentgen, MRT və KT aparatı ilə nəzərdən keçirtməkdir;
3. Azərbaycanlı olmaq – ictimai nəqliyyatda oturarkən, qarşısında durmuş sərnişinin çantasını alıb qatardan düşənə kimi özündə saxlamaqdır; (Raş Neo)
4. Borc və kredit götürmək üçün adam və maliyyə qurumu axtarıb, tapmaq, sonra isə kredit və borc ödədiyin üçün acından ölməkdir;
5. Hər kəsə qarşı çox “xoşniyyətli və mədəni” olmaqdır;
6. İctimai yerlərdə, nəqliyyat vasitələrində əlində kitab olan insanı görəndə, kitabın mətnini və adını oxumağa çalışmaqdır, elmi və ya ixtisas, bədii kitab olduğunu biləndən sonra məyus olmaqdır;
7. Məzuniyyət və ya piknik deyəndə, bunu ancaq kabab və spirtli içki içmək, yəni yeyib-içmək kimi qəbul etməkdir, istirahət etdiyin yeri zibilləməkdir;
8. Yas, ad günü, toy mədəniyyətindən məhrum olmaqdır;
9. Öz doğma dilini bəyənməyib, bütün digər xarici dillərdə danışmaqdır, öz dilindən savayı, nə qədər çox dil bilsən, yaxşıdır, dəbdir;
10. Azərbaycan daxilində vətəni və həmvətənlərini sevmək, ölkədən çıxan kimi vətəni və həmvətənlilərini pisləməkdir, özünü başqa ölkənin vətəndaşı kimi təqdim etməkdir;
11. Bazlıq etmək məqsədilə xaricə getməkdir;
12. Hava bir az soyuyan kimi “әsl xәngәl havasıdır”,deyib dostlarını xәngәlxanaya, eləcə də səhər tezdən  kəllə-paça və xaş və yanındakı araq üçün dostları yığılmağa dәvәt etmәkdir; (Raş Neo)
13. Telefonla bərkdən qışqıraraq danışmaqdır, hamı gərək bilsin, kiminlə nə haqda danışır; (Raş Neo)
14. Nisyə yemək yemək üçün yas məclislərindən geri qalmamaqdır, toy zamanı xəstələnmək və ya ezamiyyətə getməkdir;
15. Dost və tanışınla rastlaşıb, görüşüb, yol gedərkən, qulağındakı qulaqcıqları çıxartmayıb, həmsöhbətini belə vəziyyətdə dinləyib, ona cavab verməkdir;
16. Həyata gəldiyin gündən pul ilə tanış olmaqdır, ölənədək pulun önəmli olduğunu anlayıb, hamıya yeritməkdir;
17. Bir dəfə görüşüb, kafe və ya restoranda tanıdığın qız və ya oğlana eşq elan etmək, onunla fiziki yaxınlıq etməyə çalışmaqdır;
18. Aya 300 manat maaş alıb, hər il yeni model iPhone almaqdır, 500 manat aylıq xərclər etməkdir və gələn ay üçün yaranan 200 manatlıq kəsiri necə örtməyi düşünməkdir (Raş Neo ilə birlikdə);
19. Xanım toyda tualetә gedәndә sumkasını götürüb yanındakı xanımı özü ilә tualetә aparmaqdır və ordan yarımsaatdan sonra qayıtmaqdır (Raş Neo ilə birlikdə);
20. Excelin hesabladığı əməliyyata inanmayıb həmin əməliyyatı kalkulyatorda hesablamaqdır və bankomatdan pulu çıxardanda onu saymaq, birdən artıq və ya əksik verər; (Raş Neo)
21. Piyada keçidini keçəndə dayanan maşına əl qaldıraraq təşəkkür bildirmək ki, mənim üstündən maşınınla keçməmisən; (Raş Neo ilə birlikdə)
22. Həmişə pulu olduğu halda belə, “pulum yoxdur, acından ölürəm” demək və zamanəni və hər kəsi söyməkdir;
23. İşi düşәn adamla bir işi alınmayanda “sәn canın gör neynirsәn” demәkdir; (Raş Neo)
24. Gedənin arxasınca su tökməkdir; (Raş Neo)
25. 30 yaşında subay qadın gördükdə, orada-burada “bunun nəsə zibili var, xəstədir, qız deyil, alan yoxdur!” pıçıldamaqdır; (Raş Neo)
26. Gözə gəlməmək üçün üstündə dua gəzdirmək, üzərlik yandırmaq, duz fırlamaq, tfu, tfu edib, yumşaq yerini qaşımaqdır;
27. Kafir olub dindən danışmaq, üzdə dindar olub, içində deist və ya ateist olmaqdır;
28. Uşaq, evdə kimsə xəstələnəndə həkim yox, qohum-əqrəbanı çağırmaqdır; (Raş Neo)
29. Qəlyan tüstüsünün ağızdan çıxan anda şəklini çəkib profil şəklinə qoymaqdır; (Raş Neo)
30. Rayondan Bakıya gәlib, bütün toylarda “Kәndimiz” mahnısını sifariş etmәkdir; (Raş Neo)
31. Evdə ana, atasının üstünə çəmkirib, toylarda “Ana, ata” mahnısına zülm-zülm ağlamaqdı; (Raş Neo)
32. İctimai nəqliyyat vasitələrində düşənləri gözləmədən içəriyə özünü soxmaqdır, ortada yer ola – ola qapının önünə yığışmaqdır;
33. Qohum, qonşu, əqrəba, dost-tanışdan, tanıdığın insanlardan, iş yoldaşlarından uzaq olmaq və dincəlmək üçün məzuniyyətə çıxanda və harasa getməyə qərar verəndə, bunu bir neçə insana deyəndən sonra, həmin insanları getdiyiniz məkanda görüb, uşaq məsumluğu ilə təəccüblənib, şikayət etməkdir;
34. Kölə ruhlu, nadan düşüncəli olmaq deməkdir, geriyə getməklə, ətrafındakıları da özünlə aparmaqdır;
35. Toylarda ara mahnılarını yüksək tonla ifa etmək, bu cür mahnılara rəqs etməkdir və sonra da onu videoya çəkib, youtubea qoyacaq insanla dalaşmaqdır;
36. Supermarketə ancaq çörək və ya xama almaq məqsədilə gedib, supermarketdə satılan malların yarısını alıb, sonra istifadə etmədən, onları zibilliyə atmaqdır;
37. Bir-iki qalmaqallı kitab çıxartmaq, müsavat saytında müxalif məqalə yerləşdirib, ölkəni, vətəndaşları ağ yuyub qara sərmək, sonra “mənə təzyiqlər edirlər, hüquqlarım pozulur, məni təhdid edirlər, azad deyiləm” deyib xaricdən siyasi sığınacaq almaqdır.
38. Qarabağ dərdi ola-ola vur-çatlasın, çal oynasın, əyləncələrə getmək, əylənmək, ön cəbhədə əsgərliyə getməmək üçün özünü “yararsız” etmək və sonra da adını vətənpərvər övlad qoymaqdır;
39. Uşaqlarına balaca yaşında, kitab əvəzinə oyuncaq kimi Barbi gəlinciyi, silah almaqla, onları indiki Barbi gəlinciyi və ya aqressiv insanlara çevirməkdir;
40. Özün üçün deyil, başqaları üçün, başqaların fikri və istəyi ilə yaşayıb, ölənə yaxın yaşadığın həyata görə peşiman olmaqdır;

Ardı var