Avropa məhv olur. Ona görə ki, onların ailə qurmaq üçün vaxtları yoxdur, onlar uşaq dünyaya gətirmək üçün çox qocadırlar və ümumiyyətlə, fizioloji cəhətdən buna qadir olmaq üçün həddindən artıq azlıqlara qarşı liberaldırlar. Rusiya demoqrafik problemin həllindən ötrü uşaqlar və yeniyetmələr arasında ölüm hallarının göstəricilərinin aşağı salınmasına diqqət yetirir. Biz isə könüllü surətdə buna şərait yaradırıq. 

Təkcə mənə elə gəlir ki, bu selektiv abort tendensiyası faşistlərin yevgenikasını xatırladır? Yeganə fərq - onun bütün bir millətə deyil, müəyyən cinsə - qadın cinsinə aid edilməsidir. Bu nədir - milli dəlilikdir? Şərqlə qırılmaz bağları olan Azərbaycan, bütün şərq mədəniyyətində olduğu kimi, oğlanları nəslin davamçıları və qızlardan daha "yaxşı" hesab edir. Oğlan övladı ailə başçısının əsl kişi olduğunu daha bir sübutudur. Bəs uşaqları dünyaya gətirən qadınlar olmasa, bu nəsillər necə davam edəcək? Müasir tibb kişilərin cinsini dəyişə bilir, amma onlara doğmaq qabiliyyətini verəcək qədər hələ inkişaf etməyib. İndi bir anlığa təsəvvür edin ki, bu, mümkündür. Amma bığlı qafqazlı kişinin ginekoloji kürsüdə oturduğunu təsəvvür etmək mümkün deyil. Belə mənzərə ilə brutal qafqaz maçosunun obrazını necə bağlamaq olar?

10 min az pul deyil, amma bu, problemin həlli deyil. Professor Preobrajenskiy demişkən, problem insanların başındadır. Pulla bu problemi həll etmək olmaz.