Bakı Gənclər Klubu İctimai Birliyi Azərbaycan Respublikasının Prezidenti yanında Gənclər Fondunun maliyyə dəstəyi ilə “Bakı 2015: Qədim tariximiz və zəngin mədəniyyətimiz” adlı  layihəsinə start vermişdir. Layihə 18-25 yaş arası müxtəlif xarici dil biliklərinə malik olan bir qrup gəncin iştiraki ilə, 01 fevral – 01 may 2015-il tarixlərində həyata keçiriləcəkdir.

Layihənin məqsədi - gənclərimizin bələdçilik sahəsinə marağlarını artırmaq və “Bakı-2015” ilk Avropa oyunları yarışması zamanı ölkəmizə gələn turistlər üçün  müasir tələblərə cavab verən, tariximiz, mədəniyyətimiz, tarixi və mədəni abidələrimiz haqqında biliklərə malik olan və təbliğ etməyi bacaran bələdçilər hazırlamaqdır. Həmçinin, layihə çərçivəsində Şəki, Qəbələ, Qax və Oquz rayonlarında yerləşən tarixi məkanlara səfərlər təşkil olunacaq.

via 1news.az