Bütün dünya hələ ayaqqabılarının bağını bağlayanda, biz artıq bu idman növündə finişə çatırdıq. Bu, demək olar ki, bizim DNT-mizdə həkk olunub. Azərbaycanlıların informasiyanı məkanda yerdəyişmək qabiliyyəti bütün fizika qanunlarını kənarda qoyur, çünki işıq belə bu sürətin qarşısında çarəsiz qalır. Nahaq yerə həmvətənlərimizin çoxu yazıçı olmurlar ki. İnsanlar çiy, darıxdırıcı xəbərlər maraqlandırmır. Boz, simasız xəbərə mümkün qədər çox rəng əlavə etmək və ondan sevimli, qulağa yatan bir şayiə yaratmaq lazımdır.

Bizim insanlar üçün dedi-qodu və şayiələr sqadəcə söz deyil, qidadır. Xorəyin əsas ədviyyatı, ayrılmaz hissəsidir. Bu ənənə rasionumuza elə dərin daxil olub ki, bu imkanı bizim əlimizdən alsalar, biz yavaş-yavaş məhv olmağa başlayacağıq. çünki yemək bizim üçün ləzzətini itirəcək, mənasız və dadsız olacaqdır.

Dedi-qodusuz bir gün təsəvvür etmək kabusu xatırladır. Bu, əsl narkotik asılılıqdır. Hər səhər evdən çıxarkən, biz bu narkotikin şirin dozasını əldə edəcəyimizə ümid edirik. Söhbət, həyatın fəlsəfi anlayışı, Kant və Hegelin ideyalarının öz üzərimizdə tətbiqi, müdirin öz sarışın katibəsi ilə kamasutranın hansı pozalarını yoxlamadığı barədə söhbəti eşidən kimi bir anda yoxa çıxır.

Yuyucu vasutə istehsalçıları bizim özgə çamaşırlarını yuyub-sərmək qabiliyyətimizə heyranlıqla tamaşa edirlər. Bizim gözümüzdən bir dənə belə ləkə qaçmır.

Bütün qafqazlıların adından danışa bilmərəm, amma deyə bilərəm ki, azərbaycanlı şayiələrin fərqləndirici xüsusiyyətlərindən biri - onların yaranması və yayılması prosesdində kişilərin əvəzedilməz rolunun olmasındadır. Özü də onların bu prosesdə iştirakı qadınlara nisbətən daha üstün və aktivdir. Dominant erkəklər hər axşam öz evlərinə təzə ovlanmış şayiə gətirirlər. Ailə ocağının qpruyucu qadınları isə həmin an bu şayiəni duzlayıb-istiotlayıb, ondan dadlı bir xəbər hazırlamağa başlayırlar. Özü də qayğıkeş xanımlar şayiənin təzə yoxsa köhnə olduğunu o dəqiqə huss etmək qabiliyyətinə malikdirlər. 

Məhz bu, bizi dünyanın başqa millətlərindən fərqləndirir. Bizim kişilər bu sonsuz mənbədən hər gün həyat enerjisi, fiziki qüvvə alırlar.