Səhər pik saatlarında Bakı metropolitenində qatarların hərəkətində nasazlıq yaşanıb. Məlumata görə, gecikmələr "28 May" stansiyasından "Dərnəgül" istiqamətində hərəkət edən qatarlarda müşahidə olunub. QSC-dən bildirildi ki, yanvarın 28-də saat 08:30 radələrində "28 May" keçid stansiyasından qatarlar yalnız "İçərişəhər" istiqamətində hərəkət edirmiş. Buna səbəb isə "Nizami" və "Elmlər akademiyası" stansiyaları arasında problemin yaşanması olub. Texniki nasazlığın aradan qaldırılmasından dərhal sonra, qatarların "Dərnəgül" istiqamətində hərəkəti bərpa olunub.