Yeni il tətilində metrodan istifadəyə qərar verənləri sürpriz gözləyir: Bakı metro stansiyaların adlarını məşhur sənətçilər elan edəcək.

"Bakı Metropoliteni" QSC-nin rəhbərliyi metroda elanların səsləndirilməsi təklifi ilə şou-biznes nümayəndələrinə müraciət edib. Layihədə iştirak edənlər arasında Bəhram Bağırzadə, Murad Dadaşov, Nərgiz Cəlilova, Dj Fateh, Tural Əsədov və Aqil Quliyev var.

Bakı metrosunda elanların həmişəkindən fərqli şəkildə səsləndirilməsi halı əvvəllər də baş verib: Uşaqların Beynəlxalq Müdafiəsi Günündə stansiyaların adları uşaqlar tərəfindən səsləndirilib.