Heydər Əliyev Fondunun vitse-prezidenti və IDEA İctimai Birliyinin təsisçisi və rəhbəri Leyla Əliyevanın təşəbbüsü ilə Archico şirkəti Bakı zooparkında genişmiqyaslı yenidənqurma işlərini həyata keçirir. SkyscraperCity Azerbaijan layihənin yeni fotolarını yayımlayıb.
Zooparkın ümumi ərazisi 2,25 hektardan 4,25 hektaradək artırılacaq. Zooparkın bütün heyvanları, quşları və balıqları Avropa Zooparklar və Akvariumlar Birliyinin (EAZA) standartlarına uyğun şəraitdə saxlanılacaq.
Ərazidə tez və təcili baytarlıq yardımı klinikası fəaliyyət göstərəcək. Xüsusən balıqlar və amfibiyalar üçün böyük bir akvaterrarium quraşdırılacaq.
Bundan əlavə, uşaqlar üçün zooparkda içərisində ev heyvanlarının yaşadığı "Sevimli guşə" və "Kəpənək evi" təşkil ediləcək.
