Səhnədə uyğunsuzluqların uyğunlaşmasını görmək həmişə heyrətləndiricidir. Heydər Əliyev Mərkəzinin səhnəsində çıxış edən rəqqaslar həqiqətən də, hamının qəlbini fəth etdilər.

İstedadlı kollektiv olan Flying Steps klassik baletlə breyk-dans elementlərini birləşdirmək və bütün bu rəqsi İ.S.Baxın klassik əsərlərinin müşayəti ilə ifa etmək qərarına gəlib. 

 Flying Bach layihəsinin ilk təqdimatı 2010-cu ildə Berlin səhnəsində baş tutub. Artıq dörd ildir ki, layihə dünyanı dolaşır. Bu dəfə də şou doğma Bakımızda baş tutdu.

Kollektivdə İsveç, Makedoniya, Suriya, Braziliya və dünyanın başqa ölkələrindən olan istedadlı gənclər çıxış edirlər.

Bir saatdan şox davam edən çıxış bir nəfəsdə seyr edilir və unudulmaz təsiratlar bəxş edir.