Noyabrın 10-da Bakıda "MFL Carlsberg Business League" adlı yeni bir turnir başlanmışdır. Layihənin eksklüziv tərəfdaşı Carlsberg Azerbaijan şirkətidir.

24 komanda üçün nəzərdə tutulmuş bu turnirdə müxtəlif biznes sahələrini təmsil edən təşkilatlar iştirak edə bilər. Bütün oyunçular təmsil etdikləri şirkətdə çalışmalıdır.

Komandalar arasında bərabər rəqabətin qorunması üçün turnirdə fəal peşəkarların və "LSS MFL 2019/20" cari mövsümünün oyunçularının iştirak etməsinə icazə verilmir. Bununla yanaşı, keçmiş peşəkarların da iştirakı məhdudlaşdırılmışdır.

Lakin liqada yalnız həvəskar oyunçuların oynamasına, komandalarda isə peşəkarların yoxluğuna baxmayaraq, bu turnir ciddi bir idman yarışıdır. Belə ki, turnirə təşkilati dəstəyi AFFA həyata keçirir.

46 komandanın birdən iştirak ərizəsini verməsindən sonra təşkilatçılar bütün komandalara liqaya üzv olmaq və çempionluq uğrunda mübarizə aparmaq şansını vermək üçün seçmə oyunları keçirməyə qərar verdilər.

İki gün ərzində seçmə oyunlarının qalibi 23 komanda oldu. Carlsberg Azərbaycan komandası ilə birlikdə onlar turnirin başlanmasını gözləməli oldular.

Turnirin başlanmasını rəsmən elan edən püşkatma mərasimi ötən şənbə, yəni dekabrın 21-də Boulevard Hotel-də keçirilmişdir.

Püşkatma mərasiminin açılışı

Turnir təşkilatçılarının yaratdığı qonaqpərvərlik atmosferindən zövq almaq və hansı qruplarda oynayacaqlarını bilmək üçün iştirakçı komandaların rəsmi nümayəndələri "Nobel Lounge room" toplaşdılar. "MFL Carlsberg Lique"-ın qaydalarına əsasən, pley-off mərhələsinə çıxmaq hüququ uğrunda mübarizə aparmaq üçün 24 komanda hər birində 12 komanda olmaqla 2 qrupa bölünür.

Soldan sağa: Carlsberg Azerbaijan-ın marketinq direktoru Yana Slivka, MFL MMC-nin direktoru Rəhman Hacıyev, AFFA-nın baş direktoru Elxan Məmmədov

Püşkatma mərasiminin rəsmi hissəsini AFFA-nın baş katibi Elxan Məmədov, Carlsberg Azərbaycan-ın marketinq direktoru Yana Slivka və MFL MMC direktoru Rəhman Hacıyev açdı. Açılış nitqində hər kəs şirkətlərə turnirə maraq göstərdiklərinə və iştirak etdiklərinə görə minnətdarlığını bildirdi və bütün oyunçulara qarşıdakı oyunlarda uğurlar arzuladı.

AFFA-nın baş direktoru Elxan Məmmədov, Carlsberg Azerbaijan-ın marketinq direktoru Yana Slivka və MFL MMC-nin direktoru Rəhman Hacıyev komandaların püşkatmasını keçirir

Yüksək standartların tətbiq olunduğu bu turnirə həm Carlsberg Azərbaycan, həm MFL MMC, həm də AFFA xüsusi diqqət yetirmişdir. Rəsmi hissədən dərhal sonra turnirin təşkilatçıları püşkatmaya davam etdilər. Nəticədə aşağıdakı qruplar müəyyən edilib:

Qrup oyunları yanvarın 11-də başlayacaq. Oyunlar həftəsonları Bakı Olimpiya Stadionunun ərazisindəki MFL ARENA idman kompleksinin meydançalarında keçiriləcək. Qrup mərhələsi başa çatdıqdan sonra finalda iştirak etmək üçün 8 ən yaxşı komanda mübarizəni pley-off mərhələsində davam etdirəcək.

Turnir iştirakçılarının və təşkilatçılarının birgə fotoşəkli.

Carlsberg və futbol ayrılmazdır

Alman futbolçusu Frans Bekenbauer: "Futbol əhəmiyyətsiz şeylərin ən əhəmiyyətlisidir",- demişdir.

Mütləq mənada, futbol azarkeşləri dünyada təxminən 2,9 milyard insan təşkil edir. Əhəmiyyətsiz bir şey üçün bu çox əhəmiyyətli bir rəqəmdir.

Futbolu peşəkar idmançılardan tutmuş nüfuzlu ofis işçilərinədək hər kəs oynayır. Məhz sonuncular üçün Carlsberg Azərbaycan şirkəti MFL ilə birlikdə həvəskar futbol liqasını, yəni Carlsberg Business League yaradıb.

Carlsberg və futbol – milyonlarla insana sevinc gətirən uzun tarixli iki qlobal brendin əməkdaşlığıdır. Carlsberg şirkəti futbolu bütün səviyyələrdə, yəni yerli azarkeşlərdən tutmuş beynəlxalq mütəxəssislərədək dəstəkləyir. Bu brend, həmçinin bugünədək davam edən Liverpool FC futbol klubunu dəstəkləmək ənənəsi ilə də məşhurdur.

Sevimli idman növü ilə sevimli içki arasında sıx əlaqə hələ 19-cu əsrdə formalaşmışdır. Britaniya futbol tarixçisi Toni Kollinz yazır: “Futbol klubları tez-tez pivə barlarında yaradılırdı. Şənbə axşamları daimi müştərilərin məlumatlandırılması üçün pivə barlarına oyunların gedişatı və son nəticələr barədə xəbərlər teleqraf vasitəsi ilə ötürüldü. Pivə barlarında komandalar öz kuboklarını nümayiş etdirdi. Burada ianələr də toplanırdı. Sevimli klubunun səfər oyununa gediş haqqını ödəyə bilməsi üçün azarkeşlər səmimi olaraq pivədən imtina edirdi".

"Xalq oyunu" kitabının müəllifi Ceyms Uolvin yazır: "O vaxt pivə barları oyunların keçirildiyi meydançalarla yanaşı futbol həyatının ənənəvi mərkəzinə çevrilmişdir. Masa arxasında futbolçular, klub rəhbərləri və adi azarkeşlər görüşdü. Burada onlar ünsiyyət qurur, məlumat mübadiləsi aparır və hətta bəzən oyunun başlanğıc heyətini təyin edirdilər ".

Turnirin başlanmasını səbirsizliklə gözləmək və bütün komandalara uğurlar arzu etmək qalır. Qoy ən güclü qalib gəlsin!