Bakının Dəniz bulvarı yaxınlığındakı Crescent Bay kompleksinin tikintisi bərpa olunub.

Tikintisi hələ 2013-cü ildə başlayan aypara şəkilli bu kompleks üç obyekdən, yəni Crescent Palace, Crescent City və Crescent Oteldən ibarət olacaq. Onun ümumi sahəsi 450.000 kv. metr olacaq. 

Qeyd edilir ki, Xəzər dənizi üzərində ucalan Crescent Bay Bakının daha bir memarlıq incisinə çevriləcək.

32 mərtəbəli Crescent Palace yaşayış kompleksinin hündürlüyü 157,2 metr təşkil edəcək. Burada modern üslublu 128 mənzil yerləşəcək. 

36 mərtəbəli Crescent Otel-in hündürlüyü 166,6 metr təşkil edəcək. 

Yalnız ofislərin yerləşəcəyi Crescent City-nin hündürlüyü 203,8 metr olacaq. O, 41 mərtəbədən ibarət olacaq.