Koronavirusun yayılması təhlükəsi ilə əlaqədar martın 19-dan 29-dək rayon qeydiyyatlı nəqliyyat vasitələrinin Bakıya girişi müvəqqəti olaraq məhdudlaşdırılacaq. Paytaxta giriş və paytaxtdan çıxış yalnız Bakı, Sumqayıt və Abşeron qeydiyyatlı avtomobillərə icazə verilir.

Eyni zamanda, digər şəhər və rayonlardan Bakıya, Sumqayıta və Abşeron rayonuna Bakıda, Sumqayıtda və Abşeron rayonunda qeydiyyata alınmış nəqliyyat vasitələrində sərnişin daşınmasına qadağa qoyulub. Sərnişinlər postlarda yoxlanılacaq.

Bakıya giriş icazəsi Bakı şəhərində qeydiyyatı olan insanlara veriləcək - digər rayonlarda qeydiyyata alınmış vətəndaşlar paytaxta girə bilməyəcək. Rayonlarda qeydiyyata alınmış, lakin Bakıda yaşayan və işləyən şəxslərə bu müddət ərzində şəhərdən getmək tövsiyə edilmir.

Bu tədbir koronavirusun yayılmasının qarşısını almağa yönəldilmiş müvəqqəti tədbirdir.