Dekabrın 3-cü günü bütün kompüter qrafikləri və dizaynerləri peşə bayramlarını ( hələ ki, qeyri rəsmi) qeyd edirlər. İlk dəfə 1998-ci ildə Amerikanın Alias şirkəti bayramı qeyd etmək ideyasını irəli sürmüşdü. Bayramın tarixi təsadüfi olaraq seçilməmişdir – təqvimin yalnız bu günü 3 dekabr – 3D simvolu ilə uyğunluq təşkil edir. Bu maraqlı təklifi bir çox ölkənin 3D animatorları dəstəkləmişdi. Tarixi bayram etməyə Adobe, nVidia, Wacom  və başqa beynəlxalq nəhənglər qatılmışdı. Əvvəlcə 3December (kompüter qarfikası günü üçün daha bir ad) yalnız üçölçülü təsvirin yaradıcılarına aid edilirdi.  Amma zaman ötdükcə kompüter qrafikasının bütün sahələrini əhatə etdi.

İndi Amerikada 3D günü qeyd etmək ənənəsini Alias şirkətini almış Autodesk davam edir. Onun keçirdiyi tədbirlər  təkcə bu tarixlə kifayətlənmir. Onlar on gün müddətində - 1-10 dekabrda müxtəlif şəhərlərdə master-klaslar, internet təqdimatlar, onlayn müsahibələr keçirirlər. Əgər sizin internet bağlantınız varsa, bu tədbirlərdə iştirak edə bilərsiniz.

Tanıdığınız bütün 3D qrafik və rəssamların bu bayramla  təbrik eyməyi unutmayın.