Bioyanacaqda işləyən ilk avtobus Britaniyanın Briston və Bat şəhərləri arasında işə salınıb.

Ekoloji təmiz biometan qazı insanın həyat fəaliyyəti məhsullarının və qida tullantılarının emalı nəticəsində  yaranır. 40-yerlik “nəcis avtobusu” bir balon biometanla 300 km-ə qədər yol gedə bilir. Bu miqdarda biometanın istehsalı üçün isə sadəcə 5 insanın bir illik tullantıları qədər nəcis lazımdır.

Briston aeroportundan Batın mərkəzinə qədər olan xətdə Bath Bus Company xidmət edir. Bu marşrutdan istifadə edən sərnişinlərin aylıq sayı 10 min nəfərdir.

Biometan Wassex Water müəssisəsinin bala şirkətiləri tərəfindən Eyvonmutda olan su təmizləmə avadanlıqlarında istehsal olunur. Qazın alınması üçün xüsusi növ anaerob bakterialar vasitəsilə “kütlənin metan qıcqırması”  metodundan istifadə olunur. Onların təsiri altında insan nəcasəti çürüyərək metan qazını əmələ gətirir. Sonra isə qaz təmizlənmə keçərək spesifik qoxusundan tam azad olur.

Eyvonmutda il ərzində 75 mln kub metr nəciz və 35 min ton qida tullantısı emal olunur. Bunlardan 17 mln kub metr biometan əmələ gəlir ki, bu da 8300 evi enerji ilə təmin etməyə bəs edir. Avtobus şirkətinin nümayəndəsinin dediyi kimi, nəqliyyat vasitəsi xəttə çox vaxtında buraxılıb. Çünki gələn il Bristola Avropanın “yaşıl paytaxtı” adı veriləcək.