Manat ucuzlaşır, neftin qiyməti düşür. Nə edək? Nəyə görə belə oldu?

Obrazlı desək, aşağıdakı vəziyyət alınır: neftin köhnə qiyməti zamanı Azərbaycan 1000 manat qazanırdı. Artıq 1000 manat xərcləməyə öyrəşib. İndi isə biz nəinki neftin qiymətinin enməsini, hətta manatında ucuzlaşmasını nəzərə alaraq, heç 900 manat da qazanmırıq. Amma hələ də min manat xərcləməyə davam edirik.

15 il əvvəl yüz manatlıq əsginaz yarım milyon dəyərində idi. Biz ki bu böhranda necəsə yaşayırdıq. Deyinirdik, şikayət edirdik, amma yaşayırdıq. Bəs nəyə görə indi bu qədər ağlamağa başlamışıq? Məni bağışlayın, amma biz sadəcə olaraq, qudurmuşuq.

Bakılıların öz şəhərlərini gözəl görmək arzusunu başa düşürəm. Amma mənə başa salın ki, Parıs və Vyana şəhərlərinin küçə bəzəklərini təkrarlamaq nəyə lazımdır?

Körpülər qranit içindədir, yeraltı keçidlər, dənizkənarı sahil və hətta bordürlər də mərmərdəndir.

Gözəllik aludəçiliyi daha çox aşkar bədxərcliyi xatırladır. Ölkənin nüfuzu mərmər keçidlərdə deyil.