Li komik aktyor ailəsində doğulub və uşaqlıqdan kinoda çəkilməyə başlayıb. Uşaq ikən dalaşqan idi və məktəbdə yaxşı oxumurdu. 1954-cü ildə o zamanlar Çində məhşur olan “Ça-ça-ça” rəqsi ilə məşqul olmağa başlayır. 4 ildən sonra birinci yerə layiq görülür. Həmin zaman da məktəbdə keçirilən boks yarışına qatılaraq, qalib olur. Tez-tez evə cızılmış yaralarla gəlir. Valideynləri onun çılğınlığına istiqamət verərək, uşağı kunq-fu məktəbinə yazdırırlar. İlk müəlliminin yanına gələrək Li deyir: “Mən hamıdan yaxşı Ça-ça-ça rəqsini bacarıram, siz isə kunq-funu. Gəlin, mən sizə rəqs etməyi, siz isə mənə döyüşməyi öyrədin”. Nəticədə əfsanəvi İp Man onun müəllimi oldu və Li kunq-funu məhşurlaşdıran insanlardan birinə çevrildi.
Növbəti küçə davasında Li yerli mafiya başçısının oğlu ilə toqquşur. Oğullarını qorumaq məqsədilə valideynləri onu San-Fransiskoya oxumağa göndərirlər. Ordan Li Sietlə - atasının tanışlarının yanına köçür. Onlar restoran işlədirlər və Li həmin restoranda ofisiant işləməyə başlayır. Burda o incəsənətlə maraqlanır, Edisson texniki məktəbini bitirərək, Vaşinqton Universitetinin fəlsəfə fakultəsinə daxil olur.
Eyni zamanda o öz döyüş məktəbini də açır. Li insanlara kunq-funun Cit Kun Do adlandırdığı növünü öyrədir. O, diqqətləri çəkir və filmlərə dəvət almağa başlayır. Ən uğurlu film eyni adlı komiks əsasında çəkilən “Yaşıl arı” olur. Amma Li ikinci plan rollardan irəliyə gedə bilmir və Honq-Konqa qayıtmaq qərarına gəlir. Burada yeni kinostudiya açılır və Liyə “Böyük Boss” filmində baş rolda çəkilməyi təklif edir. Bu lent dərhal xitə çevrilir və bir-birinin ardınca film təklifləri gəlməyə başlayır. “Qəzəb yumruğu” , “Əjdahanın yolu” , “Əjdahanın çıxışı” və s.
“Ölüm oyunu” filmi onun rejissor debyutu olur. Bu film yalnız döyüş ustasının başqa ustalara qalib gəlməsindən bəhs etmir. Bu filmdə hər bir xırdalıq əhəmiyyət kəsb edir. Xüsusilə, qəhrəmanın geyimi təsadüfən seçilməmişdir. Filmin çəkildiyi zamana Linin artıq döyüş sənətinə baxışı dəyişir. O dərk edir ki, Cit Kun Do, əvvəl hesab etdiyi kimi, ideal döyüş üslubu deyil. O, şərq döyüş ustasının ənənəvi geyimini rahat və yüngül idman geyiminə qarşı qoyur. Döyüşlərdən birində o, bambuk budağı gətirərək, rəqibinə onun vasitəsilə qalib gəlir. Bambuk - döyüşün elastikliyinin, rəqibə uyğunlaşmanın simvolu kimi çıxış edərək, sərt döyüş qaydalarına əməl etməyə qarşı qoyulur.
Qeyd etmək lazımdır ki, Linin döyüş üslublarına aid baxışlarının dəyişməsinin səbəbi hind filosofu Ciddu Krişnamurti oldu.
“Ölüm oyunu” filminin çəkilişləri zamanı Bryus Li qəflətən vəfat edir. Versiyalardan birinə əsasən, dərman qəbulundan sonra baş verən allergik reaksiyadan.
Nə olursa olsun, bu insan bizə böyük bir miras qoyub getdi. Və o hələ də, insanlara təsir göstərərək, onlara öz yollarını tapmaqda kömək edir.
1940-cı il noyabrın 27-də Bryus Li anadan olub.
