Beynəlxalq QİÇS-lə mübarizə günü insanların bu dəhşətli xəstəlik barəsində məlumatını artırmaq məqsədilə təşkil olunmuşdur. Günün qeyd olunması Beynəlxal Səhiyyə Təşkilatının işçiləri Ceyms Vun və Tomas Netter tərəfindən təklif edilmişdir.
Həmin gün xəstəliyin yayılması haqda son məlumatlar çatdırılır və virusdan qorunma və profilaktika yollarının vacibliyi bir daha xatırladılır.
Alimlərin ehtimallarına görə, virus 19-cu əsrin sonu–20-ci əsrin əvvəllərində Mərkəzi və Qərbi Afrikada yaranmışdır. O, meymunların immunçatmamazlıq virusunun təkamülü nəticəsində meydana gəlmişdir. Xəstə meymunların əti ilə qidalanan ovçular xəstəliyin ilk daşıyıcılarına çevrilmişlər. 20-ci əsrin əvvəlində Afrikada başlayan sənaye tərəqqisi, şəhər və koloniyaların salınması isə virusun başqa regionlara da yayılmasına gətirib çıxarmışdır.
Artıq onillər boyu pandemiya statusunu itirməyən xəstəlikdən insanların mühafizəsi ən vacib məsələlərdən biridir. Həmçinin, cəmiyyət qarşısında artıq xəstəliyə yoluxmuş insanların ictimai adaptasiyası durur.
