Stomatoloq ən qədim peşələrdən biridir. Arxeoloqlar qazıntılar zamanı bu qədim sənətin nümayəndələrinin fəaliyyətlərinin çoxsaylı sübutlarını aşkar etmişlər. Qalıqlar e.ə. 7 min il əvvələ təsadüf edir. Bayramın özü isə nisbətən gəncdir. O, müqəddəs İskəndəriyyəli Appoloniyanın gününə təsadüf edir. O, işgəncələrə və sürgünlərə məruz qalmış, onun atributları isə dişlər və kəlbətin olmuşdur.

Qədim zamanlarda dişlərin müalicə üsulu olduqca sadə idi. Əksər hallarda onlar sadəcə olaraq, çəkilirdilər. Ağrısızlaşdırmanın insanlara yalnız 19-cu əsrdə məlum olduğunu nəzərə alsaq, əməliyyatlar o qədər də asan keçmirdi. lakin Qədim Misir stomatoloqları hətta plomb da qoya bilirdilər. Təəssüf ki, qədim yazılarda plomların materialları haqqında məlumat yoxdur. Lakin düşünürəm ki, əgər misirlilər piramidaları inşa edə bilmişdilərsə, plomb onlar üçün uşaq oyuncağı idi. Dəqiq məlum olan isə ilk diş məcununun da misirlilərə aid olmasıdır. Onlar onu süngər daşları tozundan, yumurta qabığından, mirra və küldən hazırlayırdılar.

Orta əsrlərdə insanlar qədim misirlilərin və romalıların nailiyyətlərini ya unutmuş, ya da dərk edə bilməmişdilər. Onlar sadəcə dəmirçi kəlbətini ilə narahatlıqverən dişləri çıxarırdılar. O zaman hələ dantist sənəti heç mövcud da deyildi. Bu işlə dəlləklər və hamamçılar məşğul olurdular. Çimdin, təraş olundun, yeri gəlmişkən dişini də çıxartdılar.

Stomatologiyada ilk bpyük sıçrayış bor maşının köəşfi oldu. Onu Corc Vaşinqtonun şəxsi stomatoloqu Con Qrinvud kəşf etmişdi. lakin patenti Ceyms Morrison aldı.

Stomatoloqlar əsrlər boyu nəinki dişlərin plomblanması, ağrısız müalicəsinin yeni üsullarını fikirləşib tapmış, onlar hətta elektrik stulunu da kəşf etmişlər. O stomatoloqun adı Albert Sautvik idi. O, elektriki ağrısızlaşdırma məqsədilə istifadə etmək istəyirdi, lakin tarix başqa cür qərar verdi.

Stomatoloq pasiyentləri üçün ən gözəl dövr - 19-cu əsrin sonu, 20-ci əsrin əvvəllər, anestetik kimi kokaindən istifadə dövrü idi. Düzdür, onu yalnız diş ətinin üzərinə qoyurdular. Amma yenə də. Kim mübahisə edə bilər? Stomatoloq sənəti çox lazımlı sənətdir. Lakin mən uşaq ikən hər zaman heyfslənirdim ki, insanın dişləri köpək balığındakı kimi - köjksüz və ömrü boyu böyümür. Konveyer kimi.