Enzo Ferrari kimi dahilər yüz ildə bir dəfə doğulurlar. Belə insanlar artıq heç vaxt unudulmayacaq şedevrlər yaradırlar. Enzo dövlətli ailədə doğulmuşdu. Lakin atasının qəfil ölümü, onu məktəbi ataraq, işləməyə və ailəsinə kömək etməyə vadar etdi. Orduda xidmət zamanı o, ağır xəstəlik keçirir. Ona artıq heç kim fikir vermir, lakin o, möcüzəvi şəkildə sağ qalır.
Avtomobillərlə ilk ciddi tanışlığı 1919-cu ildə Parma-Berceto-da, professional yarışçı kimi olur. 1920-ci ildən isə o artıq Alfa-Romeo şirkətində test-pilot kimi çalışırdı. O, adi fəhlədən idman şöbəsinin direktoruna qədər yüksələ bilir. Elə bu illərdə Enzo, əsas məqsədi yarış komandalarının toplanılması və sürət yarışlarının təşkil edilməsi olan Scuderio Ferrari klubunu yaradır.
1939-cu ildə onun komandası "Alfa-Romeo" şirkətindən ayrılır və Ferrari "Auto Avio Costruzioni Ferrari" müəssisəsini yaradır. İlk zamanlar müəssisə avtomobillər üçün müxtəlif avadanlıq istehsal edirdi. "Ferrari" adlı ilk avtomobil 1946-cı ildə istehsal olundu. Bu, "Ferrari 125" modeli idi. Əfsanəyə görə, 1921-ci il Ravennadakı qələbədən sonra Ferrarini Barakka qrafına - Birinci dünya müharibəsi zamanı həlak olmuş pilotun atasına təqdim edirlər. ferrari oz manar qrafinya ilə də tanış olur və o, oğlunun embleminin avtomobilin üzərinə vurmağı xahiş edir. Beləliklə, bütün avtomobil həvəskarlarının yaxşı tanıdığı arxa ayaqları üzərinə qalxmış at yarandı. Əvvəllər Ferrari yalnız yarış avtomobilləri istehsal edirdi. Sonradan isə o, satış üçün idman avtomobilləri də istehsal etməyə başladı.
Bütün ömrü boyu Enzo Ferrari ailə bağlarını müqəddəs hesab edərək, həyat yoldaşı ilə evli qalmışdı. Eyni zamanda, onun kənarda ailəsi var idi. Yalnız arvadının ölümündən sonra Ferrari keçmiş məhəbbəti ilə münasibətlərini rəsmiləşdirmişdi.
Onun ilk oğlu erkən - 24 yaşında vəfat etmişdi. İkinci oğlu lider deyildi və nəhəng şirkətin başçılığını üzərinə götürə bilmədi. Ona görə də, Enzo səhmlərinin 40%-ni Fiat-a vermiş, 50%-i isə ölümündən sonra həmin konsernin ixtiyarına keçmişdi. Ailəsi isə qalan 10%-lə qane olmalı olmuşdu.
