Jan Mare 1913-cü il, dekabrın 11-də anadan olub. Uşaq yaşlarından Mare kinematoqrafa aludə olmuş, aktyor olacağına söz vermişdi. Gənc ikən getdiyi çoxsaylı dinləmələrin heç biri uğurlu keçmirdi. 

Marenin yaradıcılığının başlanğıcı məşhur fransız rejissoru, şairi və yazıçısı Jan Kokto ilə görüşlə əlaqədar olub. Onların müştərək yaradıcılığı 20 il müddətində davam etmişdir. Bu zaman ərzində Jan Koktonun Mare üçün qoyduğu tamaşalar və çəkdiyi filmlər fransız incəsənətinin klassikasına çevrilmişdir. Marenin özü Kokto ilə görüşdüyü günü ikinci doğum günü adlandırıb.

İstaedadlı insanlar çox zaman hər şeydə istedadlı olurlar. Marenin maraqlarından biri də rəssamlıq idi. Aktyorun rəsmlərini görən Pikasso demişdir ki, belə rəssamlıq istedadlı ilə o, kino çəkilişlərində vaxtını sərf etməməlidir.

Bizim tamaşaçımız üçün ona dramatik aktyor şöhrəti gətirmiş teart rolları kölgədə qalmışdır. Onun Şekspir obrazları bütün Parisi riqqətə gətirirdi. Kral Liri isə Lourens Olivyeni belə heyran etmişdi.

Mareni məşhur edən isə onun "Qraf Monte-Kristo", "Paris sirləri" filmlərindəki rolları və əlbəttə ki, dahi komik Lui de Fineslə çəkildiyi "Fantomas" filmindəki eyniadlı obrazı olub.