Köhnə Yeni İl anlayışı təqvim dəyişməsi zamanı yaranan anlaşılmazlıq nəticəsində meydana çıxmışdır. Əvvəllər yulian təqvimi mövcud idi. O, Yuli Sezarın əmri ilə İskəndəriyyə astronomları tərəfindən hazırlanmışdır. Odur ki, onun adını daşıyır.

Qriqorian təqvimi isə katolik kilsəsi tərəfindən hazırlanmış və daha dəqiqliyi ilə seçilirdi.

Köhnə Yeni İli qeyd etmək adəti onunla əlaqələnir ki, insanların bəziləri təqvim dəyişməsini qəbul etmədilər, digər tərəfdə isə, yeni İlin qeyd edilməsi tarixi xristianların orucluq ayına təsadüf edirdi və o zaman nəinki içki içmək, hətta hər şeyi yemək də olmazdı. 

Amma biz bu bayramı yuxarıda qeyd edilən səbəblərə görə qeyd etmirik. Biz, sadəcə olaraq, bayramları sevirik. Bu bizim üçün bir yerə yığışmaq, dostlarımız və doğmalarımızla görüşmək və şənlənmək üçün daha bir səbəbdir. Bayramınız mübarək olsun və unutmayın - həddindən çox spirtli içki qəbulu sizin sağlamlığınız üçün ziyandır!