Polad Bülbüloğlu - Azərbaycanın estrada müğənnisi, bəstəkar, aktyor, Azərbaycanın Mədəniyyət Naziri (2006-cı ilə qədər), Azərbaycanın Rusiyadakı Fövqəladə və Səlahiyyətli Səfiridir. Necə deyərlər, istedadlı insan hər şeydə istedadlıdır.

Polad vaxtilə əsrarəngiz səsinə görə Bülbül təxəllüsünə layiq görülmüş Murtuza Məmmədovun ailəsundə dünyaya gəlib. Artıq 17 yaşından o, öz mahnılarını bəstələyirdi. Musiqi məktəbini bitirdikdən sonra, Polad konservatoriyanın bəstəkarlıq sinfinə daxil olur, orada dahi Qara Qarayevdən dərs alır.

Bəstəkar kimi Polad böyük simfonuk əsərlərin, kamera-instrumental musiqinin, filmlərə və tamaşalara bəstələnmiş mahnıların müəllifidir. Lakin ən böyük məşhurluğu ona bəstələdiyi mahnılar gətirir. Bu mahnıları özü ilə yanaşı Müslüm Maqomayev, İosif Kobzon kimi nüfuzlu müğənnilər ifa ediblər.

Maskvada yaşayaraq, Azərbaycanın Rusiyadakı səfiri vəzifəsini yerinə yetirən Polad Bülbüloğlu yaradıcılığından uzaqlaşmayıb. 2010-cu ildə onun "Oxuyurdu Bülbül...oxuyur Polad Bülbüloğlu" adlı azərbaycan xalq mahnılarından ibarət albomu işıq üzü görüb.

70 illik yubileyində biz Polad Bülbüloğluna ən vacib nemət - can sağlığı və uzun ömür arzulayırıq.