Yaradıcılığı boyu Disney 111 film çəkmiş və daha 500-dən artıq kinematoqrafik işin prodüseri olmuşdur. Onun çoxsaylı mükafatlarının arasında 26 Oskar var. 

Disney Çikakoda doğulmuşdur. Uşaqlıqda bir çox yaşıdları kimi, qəzet paylayaraq əlavə pul qazanmağa çalışırdı. Birinci Dünya Müharibəsi illərində isə Qırmızı xaç cəmiyyətinin sanitar avtomobilinin sürücüsü işləmişdir.

"Alisanın dınizdə bi günü" adlı ilk cizgi filmini o, 1923-cü ildə Luis Kerolun "Alisa möcüzələr ölkəsində" əsəri əsasında çəkmişdir.

Lakin həqiqi məşhurluq əfsanəvi Mikki Mausun yaranmasından sonra gəldi. Mikki Maus ilk dəfə 1928-ci ildə "Ağılsız aeroplan" cizgi filmində meydana çıxdı. Siçan balasının ilk bölmələrini Disneyin özü səsləndirirdi. Buna baxmayaraq, o, bu heyvanlara qarşı qorxu hiss edirdi.

40-cı illərdə artıq "Ağca və 7 cırtdan" və "Pinokkio" çəkilmişdi. Lakin klassik əsərlərdən parçaların səsləndiyi "Fantaziya" filminin təqdimatından sonra Disneyin nüfuzu bir qədər zəiflədi. Tənqidçilər o zaman filmi ciddiyə qəbul etmədilər. Yalnız 20 ildən sonra bu film tamaşaçılar tərəfindən layiqincə qiymətləndirildi.

Disneyin qızı Dayananın dediyinə görə, atası nümunəvi ailə adamı idi. Ailəsilə vaxt keçirməyi, gəzməyi çox sevirdi. Məhz belə gəzintilər zamanı uşaqlar və valideynlər üçün maraqlı olacaq bir məkanın yaradılması ideyası meydana çıxmışdı.

Disneyin həyata keçməyən layihələrindən biri, Salvador Dalinin iştirakı ilə "Destino" adlı cizgi filminin çəkilişi idi.

Bəxtimiz gətirib ki, Uolt Disney kimi bir insan nə vaxtsa doğulmuş, uşaqların həyatına az da olsa sevinc və xeyirxahlıq qığılcımları gətirmişdir.