Nə deyirsiniz deyin, amma Olimpiya oyunları sayəsində şəhərdə yollar, parklar, skamyaları yenilədi, zibil vedrələri artırdı, şəhəri dilənçilərdən təmizlədi. Bu çox yaxşıdır. Daha bir sevindirici xəbər, 9 gölün - Böyük Şor, Zığ, Xocasan, Binəqədi, Lökbatan, Qaradağ, Qu, Zabrat, Bülbülə göllərinin təmizlənməsi oldu.

Bu siyahıdan olan birinci su hövzəsinin bərpası ən başlıca məqsədlərdən biridir. Təmizləmə işləri ilə məşğul olan "Təmiz şəhər" ASC bildirir ki, göl yeni açılacaq Olimpiya Stadionunun yaxınlığındadır, həm də Böyük Şor adı çəkilən göllərdən ən irisidir (mən isə elə bilirdim ki, ən çirklisidir).

Bunlar hamısı çox gözəldir. Neft tullantıları və zibillə çirklənmiş göllər təmizlənəcək. Onların ətrafında yaşıl zolaqlar meydana gələcək, bəlkə hətta velosiped yolları da.  Hər yan gözəl, cəlbedici, göz oxşayan olacaq. Necə deyərlər, gec olsun, güc olsun. Amma təsəvvür edəndə ki, bu Avropa Oyunları bizdə keçirilməsəydi, nə olardı?! Axı o zaman bizim nə təmiz göllərimiz olardı, nə normal oturacaqlarımız, dilənçilər isə şəhəri işğal edərdilər. Avropa Oyunları bəzi şeyləri ölü nöqtəsindən tərpətdi.