6 fevral “Four Seasons” hotelində Dərs Evinin “Get” xaricdə təhsil mərkəzinin təqdimatı keçirildi.

“Get” xaricdə təhsil mərkəzi ABŞ, Kanada, Birləşmiş Krallıq, Almaniya, Çexiya, İsveçrə, Hollandiya, Çin, Yaponiya, Sinqapur, Malayziya, Cənubi Koreya, BƏƏ, Avstraliya və bir çox digər ölkələrə məktəb və universitet proqramlarını təklif edir.

Mərkəzin digər xaricdə təhsil şirkətlərindən fərqliliyi – hər tələbəyə fərdi və kompleks şəkildə yanaşmasıdır. Bu o deməkdir ki, ilk mərhələdə tələbəyə ixtisas seçimi üzrə qərarlaşmaq üçün Peşə seçimi testi təklif olunur. Daha sonra tələbənin meyillərinə uyğun olaraq ona seçilmiş ixtisaslar üzrə ən yaxşı universitetlərin siyahısı təqdim olunur və bu siyahıdan tələbə özünə uyğun universiteti seçərək orada təhsil almaq üçün hazırlaşır. “Get” xaricdə təhsil mərkəzi tələbəyə həm universitetə qəbul olunduqdan əvvəl, həm də qəbul olunduqdan sonra dəstək verir. Tələbənin maraqlarına uyğun olaraq universitet ilə bütün danışıqlar, sənədləşmə, viza və sığorta dəstəyi, kurasiya və xarici ölkədə oriyentasiya mərkəzin mütəxəssisləri tərəfindən aparılır.

Təqdimatda mərkəzin əməkdaşları öz təcrübələrini bölüşdülər, tələbələrin xaricdə təhsilə hazırlaşarkən ən çox etdiyi səhvlər barədə danışdılar və uğurlu nəticələrin əldə edilməsinin yolları barədə məlumat verdilər.

“Get” mərkəzinin əməkdaşı Minnesota Universitetinin (ABŞ) Müqayisəli və Beynəlxalq İnkişaf təhsili üzrə magistrı Tamella Hacıyeva xaricdə təhsilin üstünlükləri, yaratdığı yeni imkanlar və öyrətdiyi bacarıqlar barədə söz açdı.

Daha sonra Bowling Green State Universitetinin məzunu, Dərs Evinin Biznesin İnkişafı üzrə meneceri və karyera məsləhətçisi Toğrul Ələkbərov hər bir insanın həyatında düzgün ixtisas seçiminin vacibliyini vurğuladı. Toğrul, həmçinin xaricdə təhsil almazdan öncə hər bir tələbənin qarşılaşdığı çətinliklər və beynəlxalq mühitdə yaşama bacarıqları barədə danışdı.

Sonda “Get” mərkəzinin əməkdaşı Ruhin Bayramov xaricdə təhsil sahəsində əldə etdiyi 10 illik təcrübəsini bölüşdü və tələbələrin bu istiqamətdə ən çox etdiyi  səhvlər barədə danışdı.

Təqdimat sual - cavab sessiyası ilə yekunlaşdı və qonaqlara ilk mərhələyə – Peşə seçimi testinə və fərdi konsultasiyaya kuponlar təqdim edildi.

Dərs Evi 2015-ci ildən təhsil sahəsində fəaliyyət göstərən innovativ tədris mərkəzidir.  Burada həm peşakar müəllim heyəti, həm də tədris prosesləri sahəsində böyük təcrübəyə malik mütəxəssislər çalışır. Dərs Evində şagirdlərə lazımi biliklərlə yanaşı, stressin idarəolunması, biliklərin yadda saxlanılması metodikaları, özgüvənin artırılması, düzgün ünsiyyətin qurulması öyrədilir.

Ətraflı məlumat üçün *3377