Bilirsiniz, bu, uşaqlıqda Şəxta Babanı gözləməyimizə bənzəyir: sənə deyirlər ki, o, gələcək və sən yuxuya gedirsən. Səhər duranda isə deyirlər ki, o gəlmişdi, amma artıq gedib. 

Burda da eyni şeydi. Elə bil dejavyudur. Deyirlər ki, Bakı qışa hazırdır, mümkün olan hər şey hazırlanıb. Səhər isə sən küçəyə çıxırsan və dua edirsən ki, bircə yıxılıb boynunu qırmayasan.

Bəlkə şəhər rəhbərliyi heç olmazsa avtomobil yollarının işlək olması üçün çalışır? Yox, axı bu yollar da buz bağlayıb! Hamısı yox, amma belələri az deyil.

Bildim! Bakı süpürgəçiləri yollardakı problemlər üzündən iş yerinə çata bilməyib, yollarda dünəndən yağmış qarı təmizləyə bilməyiblər. Elə isə, hər şey aydındır. Günahsız insanları günahlandırmaq olmaz.