eBay şirkəti üzərində 35 gizli dəfinə saxlayan məkanların işarələndiyi xəritə hazırlayıb. Bu məkanlar haqda məlumatları eBay əməkdaşları müxtəlif mənbələrdən toplamışlar.

Bu dəfinələrdən ən maraqlıları haqqında dəfələrlə filmlər çəkilmiş konfederatların qızılıdır. Həmçinin, Antverpen Almaz birjasının 2003-cü ildə baş tutmuş qarəti də qeyd edilir. O zaman birjadan 100 mln.dollarlıq cəvahirat aparılmışdı. Qarətçilər yaxalansalar da, almazların yerini açıqlamamışdılar. Bundan başqa, məşhur Kəhraba otağı da xatırlanır. Rusiyada bu otağın eynisinin yaradılmasına baxmayaraq, həqiqi otaq hələ də axtarılmaqdadır. Onun ehtimal olunan qiyməti 142 mln.dollara yaxındır.

lakin ən dəyərli xəzinələr iki əsr əvvəl batmış ispan gəmiləri "San Migel" və "Flor de la Mar"dır. Bu gəmilərin hər ikisin qızıl pullar və külçələrlə, bəzək əşyaları və cəvahiratla dolu idi. Onların yükünün qiyməti 2 milyard dollardan artıqdır. Lakin gəmilərdəki artefaktların tarixi dəyərini də nəzərə alsaq, auksionlarda satışlar 6-8 milyard dollara çatacaq.

Odur ki, əgər siz macəra həvəskarısınızsa, cəsarətlə axtarışlara başlaya bilərsiniz. Xəritəniz isə artıq var.