Elvis Aaron Presli rok-n-rollun kralıdır. Onun mahnıları əfsanəyə çevrilib. Dünya üzrə ümumilikdə Preslinin 1 mlrd. valı satılıb.

Onun ailəsi olduqca kasıb idi. Bir dəfə ad günündə valideynləri balac Elvisə gitara hədiyyəedirlər. Çünki uşağın arzuladığı velosipedi almağa ailənin imkanı yox idi. Bəlkə, hər şey elə bundan başladı? Ciddi şəkildə musiqiyə marağı ailəsi Memfisə köçdükdən sonra yaranır. Qaranlıq məhəllələrdə gəzərək, Elvis nəinki gitara ifasını mənimsəyir, hətta bütün həyatı boyu onu müşayiət edən geyim tərzini də.

Böyük səhnəyə çıxmaq cəhtləri uğursuzluqla nəticələnirdi. O, bir neçə dəfə səsyazma studiyalarında mahnı yazdırır, hospel kvartetinə daxil olmaq üçün dinləmələrdən keçir. Amma bütün bunlar nəticə vermir. Lakin səsyazmaların birində Elvis dostu ilə improvizə etməyə başlayır. Bu improvizasiya onun ilk hitinə çevrilir.

Dünya şöhrətini ona qazandıran sinql Heartbreak Hotel olur. O, bir milyondan artıq tirajla alınır. Presli gənclərin sevimlisinə çevrilir. Özü də - həmişəlik.

Onun qastrol qrafiki o qədər dolum olur ki, ona hər gün iki dərman vururlar: biri - çıxışdan sonra sakitləşdirmək üçün, ikincisi - yenidən səhnəyə çıxmaq üçün. Bəlkədə, bütün məsələ narkotiklərdə idi. Hər halda, bu iki səbəbdən biri rok-n-roll kralının həyatına son qoydu.