Düzünü desəm, Pol Boküz barəsində eşitmişdim. Bu gün isə Alen Dükas, Ceymi Oliver və Qordon Ramzi kimi aşpazlar tanınmış hesab edilirlər. Marko Pyer Uaytı indi artıq çətin kimsə xatırlasın. Amma sadaladıqlarımın içində mən Ramzinin şousunu çox sevirəm. Onun nümayiş etdiyi yeməklərlə siz həm bayram süfrəsini bəzəyə bilər, həm də qalan günlərdə qonaqlarınızı və ailənizi sevindirə bilərsiniz. Qeyd etmək istəyirəm ki, qeyri-adi ədviyyatların adını eşidib, yeməyin üzərindən xətt çəkməyin. Birincisi, indi şəhərimizdə istədiyiniz ədviyyatları tapa biləcəyiniz mağazalar və marketlər çoxdur. İkincisi, tapa bilmədiyiniz ədviyyatları hər zaman oxşarlarıyla əvəz edə bilərsiniz.