Önsöz əvəzi:

Facebook KİV-ə bildirib ki, öz səhifəsində özünə qəsd və ya başqa özünə zərər yetirmək fikrində olan insanlara yardım göstərəcək seçimlər tətbiq edəcək. Nə demək olar? Çox faydalı və xeyirxah bir addımdır.

Amma bu nə deməkdir? Deməli indi özünə qəsd etmək istəyən insanlar nəinki pəncərə çıxıb bu haqda qəşqərər, hətta facebook-da oturarkən də yazırlar? Elə çıxır ki, mən masamın arxasında oturub, facebook səhifəmi açıram və yazıram ki, "dünya çox qəddar və kobuddur, boz və mənasızdır, mənim incə qəlbim real həyatda qarşılaşdığı iztirablara dözə bilmir. Hamınıza əlvida". Bu zaman xüsusi pəncərə açılır və sanki anam kimi məni yola gətirməyə çalışır ki, Eldar, belə eləmə, sən cəhənnəmə düşəcəksən, alovlarda yanacaqsan, şeytanlar sənin sümüklərini kül olana qədər yandıracaqlar. Monitordan qağıkeş əl çıxır, göz yaşlarımı silir, laylay deyərək, məni yatırdır? Sosial şəbəkələrin piarçıları istifadəçilərin sayını artırmaq üçün nələrə əl atmırlar!

Belə cəfəngiyyat bir daha sübut edir ki, bəzi insanlar öz həyatlarını tamamilə sosial şəbəkələrə köçürüblər. Hər gün Bakıda, eyni rayonda, eyni küçədə, eyni blokda yaşayan insanların ildə bir dəfə, bayramda görüşdüklərinin şahidi oluruq. Bununla belə, sosial şəbəkələrdə onlar hər gün ünsiyyətdə olurlar və heyfslənirlər ki, görüş üçün vaxt tapa bilmirlər, köhnə vaxtlardakı kimi şəhərdə gəzmək, kafedə oturub söhbət etmək üçün darıxıblar. Möcüzəvi görüç baş verdikdə isə onlar söhbət etmək üçün mövzu tapmırlar. On beş dəqiqə iş haqqında söhbətlərə gedir, qalan zaman getdikcə çaşqınlığa çevrilən boşluqla dolur. Fikri yayındırmaq üçün onlar yenə də sosial şəbəkələr qərq olurlar. Burada isə ünsiyyətləri yenidən bərpa olunur - layk, şərh, layk.

İnsan özünə qəsd etmək qərarı alıbsa, o bunu elə edir ki, onu heç kim saxlaya bilməsin. Sadəcə kimsə onun cəsədini tapır. Düzdür, bizim zamanədə özünə qəsd edəcəyi barədə infantil statuslar yazan 16 yaşlı yeniyetmələrə rast gəlmək mümkündür. Belə yeniyetmənin kəməri çatışmır. Bəzi mənliksiz şəxsləri bəzən yaxşıca kötəkləmək lazımdır. Əvvəllər hətta zadəgan uşaqlarını da cəzalandırırdılar. Onların psixikalarına da heç nə olmurdu. Belə uşaqlar böyüyərək, ölkənin ən yaxşı təmsilçilərinə çevrilirdilər.

İnsanın özünü şüursuz olaraq, internet və sosial şəbəkələr vasitəsilə izolyasiya etməsi, onu sui qəsdə çatdıracaq qədər güclü dağıdıcı qüvvəyə malikdir. Sosial şəbəkənin insanı sui-qəsddən qoruyacağı və ya depressiyadan çıxardacağı haqda məlumatlar, insanları internetin sonsuzluğuna qərq etməyə yönəlmiş növbəti yalanlardır. İnternetə nə qədər çox qərq olsanız, bu bataqlıqda bir o qədər dərinə batacaqsınız.

P.S. Epiloq əvəzi: