5-7 iyun 2020-ci il tarixlərində Bakıda Formula 1 yarışı üzrə 5-ci Azərbaycan Qran Prisi keçiriləcək. Baku City Circuit-in nəzdindəki Bakı Marşal Klubu artıq qeydiyyata başlayıb: 1300 nəfərin cəlb edilməsi planlaşdırılır.

Kim marşal olub Formula 1 yarışının təşkilində iştirak edə bilər?

Yaşınız 21-dən artıqdır və Dünya Çempionatında iştirak etmək istəyirsinizsə, bu linkdə ərizənizi yerləşdirib Marşal proqramına qoşulun. Hazırda Klub 1800 marşaldan ibarətdir ki, onların ən yaxşıları xaricdə Formula 1 yarışının müxtəlif mərhələlərində iştirak edir.

Proqramda iştirak edənlərin hamısı həm Azərbaycan, həm də digər ölkələrdə təşkil olunan Formula 1 yarışlarında iştirak etmək hüququ verən Azərbaycan Avtomobil Federasiyasından beynəlxalq lisenziyasını alacaq.

Ətraflı məlumatı rəsmi veb saytında və rəsmi Facebook səhifəsində əldə etmək olar.