Bu gün İtaldizain Group şirkəti Bakı şəhərinin küçələrinə gözəllik qatan daha 2 butikinin rəsmi təqdimatını keçirdi. Özündə 21 istehsalçı şirkətin yataq dəstləri, parfüm və ev aksessuarlarını cəmləyən Ambiance Home Textile butki, və italyan keyfiyyətinin simvolu olaraq, Frette incə yataq dəstləri butiki evimizi zövqlə bəzəmək mədəniyyətini gətirmək məqsədini daşıyır.

İtaliyanın Frette, İsveçrənin Christian Fischbacher, Fransanın Descamps və Dualest şirkətlərinin təmsilçiləri butikin qonaqlarını salamlayaraq, məmnuniyyətlə sualları cavabladılar. Bu şirkətlərin hər biri öz sahələrində çoxillik tarixə və böyük təcrübəyə sahibdir.

Butiklərin interyeri insanı həmin anda ev rahatlığı haqda düşünməyə və evini zərif aksessuarlarla bəzəməyə, yatağı ipək örtüklə örtməyə və ecazkar ətirlərə qərq etməyə sövq edir.

İtaliyanın Frette şirkətinin tarixi 19-cu əsrdən başlayır. 1860-cı ilin qışında Jean Baptiste Edmond Frette, Charles Chaboud və Alexandre Payre birləşərək, müştərək fabriklərini açır və ona Frette, Payre & Chaboud adını verirlər. Şirkətin assortimentində pamqıq satini, ipək, jakkard, pambıq, üstü tikmələrlə, oramentlərlə bəzədilmiş yataq dəstləri, dəsmallar, kaşimir, xəz yataq örtükləri, müxtəlif süfrələr, həmşinin ev geyimi (o cümlədən də uşaqlar üçün), interyer yastıqları, qonaq, yataq, yemək otaqları, mətbəx üçün aksessuarlar, müxtəlif hədiyyə ideyaları var.

Fransanın Descamps şirkəti 1802-ci ildə yaradılmışdır və 2 əsrlik təcrübəsi boyu bir çox brendləri tərkibinə daxil edə bilmişdir. Gözəl yataq dəstləri, yumşaq dəsmallar və xalatlar, gecə köynəkləri, uşaqlar üçün kolleksiyalar və s. istehsal edir.

Christian Fischbacher fabriki 1819-cu ildə Sant-Qalendə (İsveçrə) açılıb. Şirkət eyni bir ailənin altı nəsli boyu bu zərif parça sənətinin sirrlərini, ənənələrini bu günə qədər daşımışdır. Şəffaf, dekorativ, üzlük parçaların geniş spektri burada öz hərtərəfli müxtəlifliyi ilə heyran edir: incə pambığın, kətanın, əl toxunuşu parçaların bütün rəng çalarlarına burada rast gələ bilərsiniz. Kolleksiyanın incisi isə muncuqla işlənmiş parçalardır. Ailə biznesinin təmsilçisi Kristian Fişbaxerin sözlərinə görə, hal-hazırda şirkət xalçaçılıq məhsullarının istehsalı ilə məşğuldur.

Nəhayət, istehsalçıların ən gənc olanı - Dualest parfüm şirkəti. Onun tarixi cəmi 30 ili əhatə edir. Şirkətin fəlsəfəsi budur ki, əgər biz özümüzü sevdiyimiz ətirlərlə əhatələyiriksə, nəyə görə bunu evimiz üçün də etməyək? Dualest Bakıda 5 brendi təqdim edir: Nina Ricci, Alexandre Turpault, Estéban Paris Parfums, Mathilde M və Lampe Berger Paris. Spreylər, şamlar, deko-çiçəklər, ətirli keramika və s. evimizi ecazkar auraya qərq etmək imkanı yaradır.

 Ambiance Home Textile (R.Behbudov küç.,21 A) və Frette (28 may küç., 28 C) butikinlərinin açılışı bakılılar üçün əla Yeni İl hədiyyəsinə çevrildi. İndi bircə evimizi bəzəmək qaldı!