Gələcəkdə hansı telefonların, avtomobillərin, qatarların və başqa növ texnikanın olacağı barədə çox fikirlər gəzir. Bəs görəsən, qida baxımından gələcəkdə bizi nə gözləyir? Scince jurnalı bizi gözləyən qida gələcəyinin bir neçə variantını təqdim edib:

Qida yapışqanları

Bu gün artıq insanların orqanizminə dərman maddələrini əlavə edən yapışqan kağızlar mövcuddur. Lakin hərbçilər və alimlər insanları qida qəbul etmədən lazımi maddələrlə təmin edə biləcək yapışqanların hazırlanması üzərində işləyirlər. Bu texnologiya nəinki hərb sahəsində, həmçinin, kosmik sənayedə də əhəmiyyətli tapıntı olacaq.

Nəfəslə çəkilən qida

Yeməli qablaşdırmanı kəşv etmiş Harvard universitetinin professoru Devid Edvards indi də qidanı sprey halına gətirən qurğu icad edib. Norman Eytken isə öz növbəsində, ultrasəs generatorunun əsasında işləyən cihaz icad edib. Bu aparat istənilən növ qidanı buxar halına salır. Qida boru vasitəsilə sorulur. Onun necə həzm olunması, sözün düzü, məlum deyil.  Amma orqanizm qidalı kaloriləri mənimsəyir.

3D Printer

Bu sahədə araşdırmalar bir ildən artıqdır ki, aparılır. Bu da ilk növbədə, hərbçi və kosmonavtlar üçün vacib sahədir. ABŞ-ın Marsda kaloniyalar yaratmaq ideyasından sonra bu ideya daha da aktuallaşıb. Sonsuz sayda tübilkərdən ibarət azuqə yaratmaq mümkün deyil, amma hansısa hidrokolloid şəkilli printer "boyası" götürmək o qədər də çətin deyil.

Planktonun istifadəsi

Bu haqda söhbətlər artıq çoxdan gedir. Lakin danışıqlar ölü nöqtədən tərpənmirlər. Amma planktonlar kifayət qədər qidalı canlılardır. Balinalar onlarla qidalanır axı. Eyni zamanda, planetdə oksigenin miqdarını da artırmış olarıq. Axı məhz planktonlar planetimizin əsas oksigen təminatçılarıdırlar. Əsas məsələ - həddi aşmamaqdır. Yoxsa tarakanlrı başmaqla deyil, qranatomyotla ovlamalı olacağıq.

Sınaq şüşəsindən ət

Bizi quş, iri və xırda buynuzlu heyvan əti ilə təmin edən fermalar,ən azı avtomobillər qədər atmosferi çirklədirlər. Alimlər bəyan edirlər ki, laboratoriyada yetişdirilən ət insan orqanizmi üçün daha faydalıdır. O, zülal və karbohidrat və yağların miqdarına görə daha balanslaşdırılmış olacaq. Eyni zamanda, heyvanlara qarşı humanist baxışlar da dəstəklənmiş olacaqdır.

Yosunlar

Minlərlə yosun növündən iki yüzü qida üçün faydalıdır. Onlar qidalı, xeyirlidir və onların yetişdirilməsi üçün yalnız dəniz suyu və işıq lazımdır. Bir alim isə öz ideyalarında daha irəli gedir. O, hesab edir ki, insan üçün əsl inqilab - onun dərisinin altına fotosintezedici yosunların yerləşdirilməsidir. Onlara da qidanı yaratmaq üçün sadəcə işıq lazımdır. Bu zaman onlar qidanı birbaşa insan qanına ötürəcəklər. Həmçinin, yosun fermalarının yaradılması problemi də aradan qaldırılacaqdır.

Həşəratlar

Dünyanın bir çox xalqları qədim zamanlardan bizi əhatə edən həşərat aləminin dadına baxmış və onu layiqincə qiymətləndirə bilmişdir. Həm də həşərat fermaları indiki quş və mal-qara fermalarından daha ucuz başa gələcəkdir. Alimlər belə qərara gəliblər ki, ən böyük potensiala milçək sürfələri malikdir.