Bu romanı ən azı ona görə oxumaq lazımdır ki, onu "hipsterlərin 1984-ü" adlandırıblar. Doğrudur, "hipster" əlavəsi bir qədər şübhə doğurur. Lakin romanın Oruelin monumental əsəri ilə müqayisə olunması artıq çox şeyə dəyər. Bu əsər kəskin formalar və dərin düşüncələrilə seçilməyəcək. Düşünürəm ki, "hipster" epiteti də elə buna işarədir. Nə etmək olar? Bu gün yazıçılar oxucu kütləsini arxasınca aparmır, onun istəklərinə uyğunlaşırlar. Lakin ideyanın miqyası maraqlıdır - qlobal texnoloji bədheybətlərin bizə göstərdikləri təsirin prinsip və nəticələri.

Romanda Mey Holland adlı qızın bəxti yaman gətirir. O, dünyada ən böyük, nüfuzlu, kreativ şirkət olan "Sfera"ya işə düzəlir. Burada hamı onu sevir və onun qayğısına qalır. Yanlışlarına görə isə onu az danlayır, "ona inanırlar". Meyi və başqalarını əhatə edən ideal aləm insanların şəxsi həyatlarına yer qoymur. Sən hamının gözü qabağında olursan, səni hər zaman tapmaq olar. Nə səni, nə də şəxsiyyətinin gizlənə bilmədiyi tamamilə şəffaf dünya.