Bu gün Dünya Azərbaycanlılarının Həmrəylik Günüdür.

Bu bayram təkcə Azərbaycanda deyil, Azərbaycan diasporaları olan bütün xarici ölkələrdə qeyd edilir.

İlk dəfə bu tarixin qeyd edilməsi 1991-ci il dekabrın 16-da, o zaman Naxçıvan Muxtar Respublikasının Ali Məclisinin sədri olan ümummilli lider Heydər Əliyev tərəfindən elan edilmişdi. 

Respublikamızdan başqa İran, Türkiyə, BMDB ölkələri, Almaniya, Fransa, Böyük Britaniya, Skandinaviya ölkələri, ABŞ və Yaxın Şərqdə olmaqla, dünyada onlarla milyon azərbaycanlı yaşayır.

Azərbaycan Prezidenti İlham Əliyevin həmvətənlərinə etdiyi müraciətində qeyd etdiyi kimi, Dünya Azərbaycanlılarının Həmrəylik Gününün əsas ideyasını "dünya azərbaycanlılarının birliyi və həmrəyliyi, Azərbaycanın dövlətçiliyi, millətimizin milli-mənəvi dəyərlərinə hörmət, azərbaycan xalqına aid olmaq hissi və ideyası, tarixi vətəninə bağlılıq" təşkil edir.

Təbrik edirik!