Ölkə əhalisinin təqribən 6%-i B və C hepatitinə yoluxmuş haldadır. Lakin bu günə qədər bu xəstəliklərə aid yanlış fikirlər mövcuddur. Bu gün mən həmin mövzuda danışmaq istəyirəm və söhbətimi C hepatitinə yoluxmuş insanların cəmiyyətdəki adaptasiyasına həsr edəcəm. Bu, pasiyent qədər bizim üçün də əhəmiyyətli məsələdir. Bizim səhv fikirlərimiz və məlumatsızlığımız xəstələri öz diaqnozlarını gizlətməyə sövq edir. Axı heç kim kənarlaşmış olmaq istəmir.
Aşağıda Hepatit C ilə əlaqədar yayılmış səhv fikirlərin bir qismi göstərilmişdir:
1. Hepatit C müalicə olunmur. Vətəndaşlarımızın əksəriyyəti əmindirlər ki, hepatit C müalicə olunmur. Bu yanlışlıq onları həvəsdən düşməyə, mütəxəssis axtarmamağa, pis halda isə vəsiyyətnamə yazıb, suiqəsd törətməyə sövq edir. Bu belə deyil. Xəstəlik artıq çoxdan müalicə olunur.
2. Yoluxma yolları. Burda nə qədər əfsanələr var! Əslində hepatit C-yə yoluxmanın yalnız bir yolu var - qan. Ağcaqanadlar, dəsmallar, daraqlar, qucaqlaşmalar, öskürmək və asqırmaq, ümumi qab-qacaq rol oynamır. Evdə qohumlarınızın, işdə isə həmkarlarınızın qanını içməyin. Onları cüzamlılar kimi təcrid etməyin. Uşaqları ilə ünsiyyətlərinə mane olmayın, kollektivdə məhdudlaşdırmayın. Heç bir halda da abort etməyin!
3. Balqabaq suyu, qara çörəkotu, BAQ-lar, dualar, ekstrasenslər. Bunlar kifayət qədər yaxşı məvacib qarşılığında fırıldaqçıların sizə təklif edə biləcəklərinin bir hissəsidir. Yadda saxlayın ki, bu xəstəliyi yalnız həkimlər və yalnız xəstənin individual xüsusiyyətlərini nəzərə alaq, dəqiq sxem üzrə müalicə edə bilərlər. Pasiyentlərə nahaq yerə əziyyət verməyin. Onların pulunu, əsəbini və vaxtını boş yerə sərf etməyin.
4. Xəstəliyi yalnız xaricdə müalicə etmək olar. Bu da çox yayılmış səhvdir. Artıq 10 ildir ki, ölkəmizin bir sıra mütəxəssisi xəstələri sağalma yolu ilə aparır və onlar sağalırlar!
5. Hepatit C narkomanların və dağınıq cinsi həyat sürən insanların xəstəliyidir. Yoluxmuş insanların ictimai adaptasiyasına mane olan ən qorxulu yalandır. Əslinə qalsa, hepatit C daha çox yatrogen xəstəlikdir, yəni həkimlər və tibb personalının səhvi ucbatından yoluxdurulan.
Düşüncə fabrikindən olan Həkim
