Bu gün hər kəs ancaq ilk qardan danışır. Havanın pisləşməsi ilə əlaqədar olaraq, artıq yollarda tıxaclar əmələ gəlmişdir və sürücüləri bu və ya digər küçələrdə hərəkəti məhdudlaşdırmağa çağırırlar. Ancaq mənə deyin görüm, hansı pis hava şəraiti tıxaclara səbəb ola bilərdi? Güclü külək? Qar 1-2 saat yağdı, yağan kimi də əridi, yollarda isə çirkli gölməçələr qaldı. Bugünki tıxaclar qarla heç cürə əlaqələndirilə bilməz. Bəlkə məsələ heç qarda deyil?

Bizi yolların sürüşkənliyi haqda xəbərdar edirlər, eyni zamanda qeyd edirlər ki, yol xidmətləri hər cür hava şəraitinə hazırdır. Deyirlər ki, az qala yeraltı bunkerlər hazırlanıb və onlar duz və qumla doldurulub. Biz hazırıq, yoxsa yenə ancaq özümüzə güvənməliyik? Nə isə, bu məsələ çox qarışıqdır. Görək, axır nəticə necə olacaq.