İtaliya xəbər portalları Heydər Əliyev adına Beynəlxalq hava Limanının yeni kompleksinə heyranlıq dolu məqalələr həsr ediblər. Məqalələrdən birində deyilir: "Kompleksin daxili və xarici görünüşü, məntəqələrin tərtibatında istifadə olunmuş qeyri-adi elementlər aeroport anlayışından çox kənara çıxaraq, daha isti və rahat məkan təəssüratını yaradır. Əsas məqsəd - sərnişinlərin özlərini evdəki kimi rahat və komfortlu hiss etmələri üçün şərait yaratmaqdır". Həmçinin, məqalədə kompleksin xüsusiyyətləri sadalanaraq, onu Qafqazın darvazası adlandırırlar.