Birdən olaraq ağlıma gündəmdə olan belə bir mövzu gəldi. Düşündüm və qərara gəldim ki, şəhərimizin ən maraqlı saytında bloq yazısı kimi əlavə edim. Əlbəttə ki, bu cür mövzularda hər kəsin öz düşüncəsi və yaşam tərzi var. Ağır ittiham etməyin!

Milliyətindən, rəngindən və dinindən asılı olmayaraq, əksər kişilər qadınla münasibətdə çox vaxtı belə bir səhvə yol verir - qadına qarşı seksual simpatiya. Belə səhv isə münasibət başlamamışdan yaxud da ki, davam etdirmədən münasibətin qırılmasına səbəb olur. Halbuki bəlkə də, bu insanlar biri birləri üçün yaranmış, "Mənim adamım!" dediyimiz insan ola bilərdi. Hətta bəzi kişilər hətda  simpatiya yaranmamışdan öncə ilk görüşdə qadına qarşı seksual simpatiyasını bildirir. Düşünürəm ki, bizim qadınların əksəriyyətinin buna hazır olmadığını bildiyi halda belə bir səhv və ya addım yol verilməzdir. Mövzu ciddi münasibətə hazırlaşan iki insanın davranışlarından gedirsə əgər, bu hal məncə qətiyyən yolverilməzdir. Münasibət qurmaq istədiyin insannın maraqlarını öyrənmək, onun xarakterini çözmək, onu dinləməyi bacarmağı, çətin anında güvənə biləcəyi insan olduğunu göstərmək lazımdır. Bütün kartları açıb göstərmək ən axmaq oyunçuların istifadə etdiyi metoddur.

Seksual istəklərinizi münasibət davam etdiyi dönəmdə  qadın özü çox gözəl başa düşür. Münasibət davam etdikcə, ona seksual simpatianızı göstrəməkdənsə komplimentlər deyin, daha çox vaxt keçirin. Həm də qadın görsə ki, sizdə heç bir addım yoxdur artıq özü hər hansı hərəkətlərlə yaxud da hansısa mövzularla sizə  özü açılacaq. Və artıq münasibətin davamı və əlbəttə ki, nə qədər müddətcə davamı kişidən asılı olacaq. Hətta düşünürəm ki, ağıllı kişi qadının xarakterini çözdükcə onun seksual fantaziyalarını çözmüş olur və onu daha yaxşı tanıyır. Çünkü bir qadının bədənində iki ruh var. Biri hamının gördüyü digəri isə münasibətdə olduğu insanın gördüyü. Əsas iki insanın bir birini hərtərəfli tanımasıdır. Münasibət gəlib əsas nöqtəyə çatdığı anda bütün kartlar açılmış olur. Davam yoxsa tamam deməyin vaxtı məncə çoxdan keçmiş olur. Və istəyirəm ki, əsas nöqtəyə çatdığı halda davam deyən cütlüklərimiz daha çox olsun.