Qəhvə mədəniyyətinin yenicə inkişaf etməyə başladığını nəzərə alaraq, bu möcüzəvi içki barəsində bəzi şeyləri bilməlisiniz. Xüsusilə, bu sizə sifariş verən zaman lazım olacaq. Taxta arxasındakı işçilərin gülməkdən özlərini necə saxladığını görməmək üçün.

Qəhvə evlərində barmenlər çalışmır. Espresso içkilərinin hazırlanmasına dair nəzəri bilik və praktik bacarığa malik olan sənət Barista adlanır. 

"Espresso" sözünün hərfi tərcüməsi "təzyiq altında"-dır. 9 Bar təzyiqi altında su, üyüdülmüş və preslənmiş qəhvədən keçir. Bəli, həll edilmişdən sonra, bu ən tez qəhvə hazırlamaq üsuludur. Çovları bunu qeyd etsə də, bir daha xatırlatmaq istəyirəm: heç vaxt "eKspresso" deməyin! Bu düzgün deyil.

Əgər siz espressonun yanında su sifariş etmisinizsə, suyu qəhvə qurtumundan əvvəl içmək lazımdır ki, dad reseptorlarınız təmizlənərək, qəhvənin dadını tamlıqla duymanıza imkan yaransın. Suyu qəhvədən sonya içmək lazım deyil. Əlbəttə, qəhvənin dadı bərbad deyilsə.

Kapuçino və latte həmişə süd ilə hazırlanır. " Südlü latte" sifariş etməyə ehtiyac yoxdur. Sizə istənilən halda, südlü içki təqdim olunacaq.

Latte və kapuçino yalnız südlü köpüklərinin həcmi ilə fərqlənmirlər. Kapuçino üçün süd daha çox çalınır. Bu içkidə laktoza şəkərinin də miqdarı daha çoxdur. Ona görə də, kapuçinonun özü də lattedən bir qədər daha şirindir. Yalnız kapuçino fincanı qəhvə halqası ilə haşiyələnməyib. Bu halqa - espressodur. Bu səbəbdən də, etdiyiniz ilk qurtum azacıq acı ola bilər.

Espressonun dadını tanımaq, onun həqiqətən dadlı, yoxsa acı olduğunu bilmək üçün Siz heç olmasa, üç litrə qədər qəhvə içməlisiniz. Özüdə hər gün. Espressonun orqanizm üçün faydalı miqdarı - gündə 2-3 fincandır.

Əgər ofisiant sizdən "Südlü ya südsüz qəhvə istəyirsiniz?" soruşursa, ona heç vaxt "Adi qəhvə də, Neskafe" deyə cavab verməyin. Qəhvə evlərində həll olan qəhvələrdən istifadə etmirlər. Ancaq dənli qəhvədən. Ümumiyyətlə, həll olan qəhvə içmək adətindən əl çəkin. Nəyə görə? Həll olan qəhvəni dağlarda deyil, düzən ərazidə yetişdirirlər. Dənələri isə kombaynlarla toplayörlar, əllə deyil. Kombaynın bıçağının altına isə qəhvə dənələrindən başqa yarpaqlar, budaqlar, böcəklər və hətta kiçik qurbağa və quşlar da düşə bilir. Əgər siz hesab edirsiniz ki, bunların hamısından qəhvə dənələrini kimsə təmizləyir, yanılırsınız. Sonra isə qəhvə qızarılmaq üçün sobalara göndərilir. Sonra isə üyüdülür və böyük bir ləyəndə dəmlənir. Daha sonra isə hazır məhsulun həcmini artırmaq üçün ona üyüdülmüş şabalıd, arpa və s. qatılır. Qatqıların dadı qəhvənin dadını üstələməsin deyə, ona süni kofein qatılır. Hələ də həll olan qəhvə içmək istəyirsiniz?

Özünüzü aldatmayın. Siz evdə dadlı espresso hazırlaya bilməyəcəksiniz. Əgər qəhvə evlərindəki qəhvə aparatının və qəhvə üyüdən maşının  texniki xüsusiyyətlərinin evdəki cihazlarınızla müqayisə etməsək, yalnız onu deyim ki, barista həftələrlə, bəzən isə aylarla nəzəri hazırlıq keçirlər. Uzun müddətli təcrübələri zamanı isə gündə yüzlərlə fincan qəhvə hazırlamalı olurlar. Amma məyus olmağa dəyməz. Ev şəraitində espresso və başqa qəhvə içkilərini dəmləmənin bir çox üsulları var. Bu barədə mən sizə gələn dəfə söhbət açacağam.