Kraudfandinq - yeni texnologiyaların inkişafı, yaradılması və tətbiqi naminə insanların toplaşaraq öz sərmayələrini yatırmasıdır. Belə ideya bütün dünyada çox yayılmışdır. Bakıda və ümumiyyətcə, Azərbaycanda belə fikirləri dəstəkləmək və onlara yardım göstərmək lazımdır. Doğrudur, belə yanaşma çox böyük vaxt tələb edir. Əvəzində isə hər bir iştirakçı layihəyə hiss ediləcək yardımda bulunur. Kraudfandinqin nə dərəcədə uğurlu ola biləcəyini aşağıdakı qədcetlərlə tanış olduqda biləcəksiniz:

Coolest Cooler.

5 gündə bu layihə 5 milyon yığmışdı. Toplanışların sonunda isə 11 milyona çatmışdı. Bu yalnız portativ soyuducu deyil, həm də blender və naqilsiz akkustik sistemdir, hətta USB-li toplayıcıdır.

Peeble.

Bu isə uğurlu kraudfandinqin ən parlaq nümunələrindən biridir. Planlaşdırılan 100 min əvəzinə 10 milyon toplanmışdı. Qədcet Bluetooth vasitəsilə smartfon və başqa qurğularla sinxronlaşan saatdan ibarət idi.

Neyrofon Neo.

Gördüyünüz qurğunun uzaq 1958-ci ildə icadına baxmayaraq, o, başqasəviyyəli bir qurğudur. İlk neyrofon səsi elektrik impulsuna çevirərək, onu beynin eşitmə reseptorlarına ötürmək məqsədilə yaradılmışdı. özü də o, bunu bədənin istənilən hissəsindən həyata keçirə bilirdi. İndi isə bu cihaz insanın beyin qabığına təsir göstərərək, onun öyrənmə qabiliyyətini artırır, orqanizmin isə ümumi tonusunu yüksəldərək, informasiyanın yadda saxlama qabiliyyətini yüksəldmiş olur.

Skully AR-1.

Bu sadəcə bayker dəbilqəsi deyil. Bu dəbildə sürəti, mühərrikin dövrlərinin sayını əks edir, həmçinin, Bluetooth vasitəsilə xaricdən səsləri ötürür, kor sahələri aradan qaldırır, GPS naviqator vasitəsilə marşrutu yönləndirə bilir. Bu model kütləvi satışa 2015-ci ilin may ayında çıxarılacaq.

Zapp&Go.

Bu, mobil qurğular üçün yeni növ akkumulyatordur. Onun unikallığı ondan ibarətdir ki, batareyanın tam dolması üçün cəmi 5 dəqiqə vaxt lazımdır. Bu superkondensator yeni kəşf olunmuş material - qrafenin əsasında yaradılıb. Onun nəticəsində akkumulyator son dərəcə yüngül və kompaktdır. Modelin 2015-ci ilin oktyabr ayında satışa çıxarılacağı gözlənilir.

MOTA Smartring.

Yaradıcılarının sözlərinə görə, bu kompüterləşdirilmiş üzük sizin vaxtınıza qənaət etmək iqtidarındadır. İdeya əsasən, biznesmenlərə aid edilir - uzun müddət iclaslar zamanı telefon zənglərinə cavab vermək mümkün olmur. Bəzi mesajları isə oxumaq lazım gəlir. Belə hallarda bu yenilik sizin köməyinizə gələ biləcək. Onu gələn ilin aprel ayından başlayaraq əldə edə biləcəksiniz.