Köçəri musiqiçilər... Onlar hər yerdə və hər zaman olublar. Kimisə romantika və yeni yerlər cəlb edirdi, kimsə çoxlu pul qazanmaq arzusunda idi, kimsə də gözəlliyi ətrafdakılarla bölüşmək istəyirdi.

Son zamanlar dünyanın bir çox şəhərlərində Cənubi Amerikadan olan bir qrup musiqiçiyə rast gəlmək olar. Onlar Bakıdan da yan keçməyiblər. Təəssüf ki, Bakı sakinləri uzaq qitənin melodiyalarını doyunca dinləyə bilmədi.

Mənim isə bəxtim gətirdi. Bir dəfə Kazanda Bauman küçəsində (bizim "Torqovaya" küçəsi) gəzərkən bir qrup köçəri musiqiçiyə rast gəldim. Onların ifa etdiyi musiqi dinləyiciləri həmin an uca daöların qoynuna aparırdı.

Bu, Rusiyada qastrolda olan çoxsaylı Cənubi Amerika qruplarından biri idi. Hansı ölkədən olduqlarını müəyyən etmək çətin olardı, amma musiqiləri küçədə gəzənlərin diqqətini dərhaı cəlb edirdi. Mən də onlara qulaq asmaq üçün ayaq saxladım və bir neçə şəkil çəkdim.