London hakimiyyəti narahat olur - Hitrou aeroportunda - dünyanın ən böyük terminalında hal-hazırda yüzdən çox evsiz yaşayır. Vəziyyətin araşdırılması acınacaqlı nəticələr verib - evsizlərin sayı statistik tədqiqatların nəticələrindən fərqli olaraq,böyük sürətlə artmaqda davam edir.

London hər il milyonlarla turist qəbul edən, bütün dünyada əks olunan iqtisadi və sosial aspektləarin formalaşma mərkəzlərindən biridir. London öz "simasının" qorunmasına çalışmalıdır. Odur ki, evsizlərin körpülərin altında, enli vitrinlərdə yatmasının qarşısını almaq üçün xüsusi metal və beton tikanlarlar quraşdırılmışdır. Bu hərəkətdən narazı olan şəhər əhalisi bir zaman bu "kreativ" çıxış yoluna qarşı çıxsalar da, tikanlar şəhərin müxtəlif yerlərində meydana gəlməyə davam edir. Rəsmi versiyaya görə, bu tikanlar körpülərin altını zibilləmədən qorumaq üçün quraşdırılır. Amma onlar daha çox zibili yığışdıranlara mane olur, nəinki körpü altını zibilliyənlərə. Yerli hakimiyyətin üsulları isə onlara yalnız bir sual ünvanlamağa imkan verir: "Siz hələ də başqalarının humanizmini müzakirə edirsiniz?"